Простую жанчыну з Гродна будуць судзіць за палітыку па дзевяці крымінальных артыкулах
Валянціну Навумаву ўжо амаль дзевяць месяцаў трымаюць за кратамі.
Як стала вядома «Гарадзенскай Праваабароне», канчаткова палітзняволенай выставілі абвінавачванне паводле дзевяці артыкулаў Крымінальнага кодэкса, у тым ліку ў «садзейнічанні экстрэмісцкай дзейнасці» і «распальванні іншай сацыяльнай варожасці».
Валянціна Навумава доўгі час была сябрам партыі левых «Справядлівы свет». У 2017 годзе яна была аштрафаваная на 15 базавых адзінак па адміністрацыйнай справе за ўдзел у акцыі «недармаедаў».
Жанчыну затрымалі 5 верасня 2025 года і змясцілі ў турму №1 у Гродне. Спачатку ў справе фігураваў ч. 2 арт. 367 (паклёп на Лукашэнку).
Але 27 лютага 2026 года былі выстаўленыя новыя абвінавачванні паводле артыкулаў Крымінальнага кодэксу: ч. 1 арт. 16 (саўдзел у злачынстве) ч. 3 арт. 130 (распальванне іншай сацыяльнай варожасці), ч. 1 і 2 арт. 361-4 (садзейнічанне экстрэмісцкай дзейнасці). Цяпер стала вядома, што як таксама абвінавачваюць паводле ч. 1 арт. 130 КК, арт. 188 (паклёп), ч. 3 арт. 203‑1 (парушэнне тайны перапіскі, тэлефонных перамоў), ч. 1 арт. 368 КК (абраза Лукашэнкі), арт. 369 КК(абраза прадстаўніка ўлады), арт. 370 КК (здзек з дзяржаўных сімвалаў), арт. 391 КК (абраза суддзі).
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары