Двухмесячнае дзіця выпадкова атруцілася лімоннай кіслатой з чайніка
Жахлівая сітуацыя ў Баранавічах.
У Баранавічах 6 чэрвеня двухмесячнае дзіця трапіла ў бальніцу з дыягназам «вострае выпадковае атручванне хімічным рэчывам», паведаміў БелТА прадстаўнік СК Аляксандр Сухадольскі.
Жанчына з грудным дзіцем прыехала з-за мяжы ў госці да сваёй маці. У гэты час бабуля вырашыла пачысціць чайнік ад накіпу і засыпала ў яго лімонную кіслату, не папярэдзіўшы пра гэта дачку.
«Жанчына, нічога не падазраючы, для прыгатавання сумесі наліла з чайніка ваду і пачала карміць малога з бутэлечкі. Калі яна зразумела, што ў ёмістасці лімонная кіслата, падняла трывогу і выклікала хуткую медыцынскую дапамогу», — распавёў афіцыйны прадстаўнік СК.
Хлопчыку своечасова аказалі неабходную медыцынскую дапамогу, яго жыццю і здароўю нічога не пагражае.
Прапагандысты запэўніваюць, што 196 палітвязняў ужо на свабодзе9
Каментары