Еўрапейская камісія ўводзіць новы мытны збор на недарагія пасылкі з Кітая. З 1 ліпеня за адпраўленні коштам да 150 еўра будзе спаганяцца плата ў памеры 3 еўра, паведамляе The Guardian.
Адначасова будзе скасавана правіла, якое дазваляла ўвозіць у краіны Еўрасаюза тавары такой вартасці без выплаты мыта. У Бруселі разлічваюць, што гэта дапаможа скараціць плынь танных тавараў з Кітая і падтрымаць еўрапейскіх рознічных прадаўцоў.
Паводле звестак Еўракамісіі, колькасць недарагіх пасылак, якія паступаюць у ЕС, вырасла больш чым у чатыры разы — з 1,3 мільярда ў 2022 годзе да 5,9 мільярда ў 2025-м. Каля 90 працэнтаў такіх адпраўленняў паступае з Кітая, галоўным чынам праз інтэрнэт-платформы Shein і Temu.
У Еўракамісіі таксама звярнулі ўвагу на праблемы з якасцю і бяспекай імпартных тавараў. Паводле даследавання, апублікаванага 29 чэрвеня, каля 60 працэнтаў прадукцыі, набытай праз інтэрнэт па-за межамі Еўрасаюза, не адпавядае еўрапейскім патрабаванням.
Найбольшая колькасць парушэнняў была выяўлена сярод касметыкі, цацак, харчовых дабавак і сродкаў індывідуальнай абароны. Улады ЕС лічаць, што новыя меры дапамогуць не толькі падтрымаць мясцовы бізнэс, але і павысіць бяспеку тавараў для спажыўцоў.
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары