ХАМАС прызначыў сваім новым лідарам Халіля аль-Хаю, паведаміла агенцтва Reuters са спасылкай на заяву руху. Ён стаў пераемнікам Ях’і Сінвара, забітага ізраільскімі вайскоўцамі.
Аль-Хая шмат гадоў быў адным з ключавых функцыянераў ХАМАС, жыў у асноўным у Катары і ўдзельнічаў ва ўскосных перамовах з Ізраілем па закладніках і спыненні агню.
Аль-Хая лічыўся блізкім саюзнікам Ях'і Сінвара і адным з самых уплывовых лідараў ХАМАС па-за межамі Газы. Паводле даных Reuters, ён перажыў некалькі спроб Ізраіля яго забіць, у тым ліку ўдар па Досе ў 2025 годзе. Падчас розных ізраільскіх удараў загінулі некалькі яго сваякоў.
Газета The New York Times раней пісала, што перад атакай 7 кастрычніка 2023 года прадстаўнікі ХАМАС абмяркоўвалі планы з Іранам, а аль-Хая ўдзельнічаў у кантактах з высокапастаўленым прадстаўніком Корпуса вартавых ісламскай рэвалюцыі. У студзені 2025 года ён называў напад на Ізраіль 7 кастрычніка «гістарычным момантам» і «вайсковым дасягненнем».
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»33
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2525
Каментары