Гідраізаляцыю і гукаізаляцыю ў кватэры цяпер можна рабіць без праекта
Асобныя віды работ пераўладкавання і перапланіроўкі цяпер можна выконваць без распрацоўкі праекта, пішуць Мінск-Навіны.
Праводзіць работы гідра-, пара– і гукаізаляцыі ў кватэрах цяпер можна без распрацоўкі праектнай дакументацыі (раней яна была неабходная), расказаў начальнік юрыдычнага аддзела ЖЭУ №3 Першамайскага раёна Аляксей Скалдзін.
Гідраізаляцыю звычайна выконваюць на падлозе ў кухні, у санвузле падчас замены падлогавага пакрыцця (пліткі), а таксама пры пашырэнні яго плошчы — на «захопленым» участку.
Параізаляцыя — гэта калі на ўцяпляльнік наклейваюць спецыяльную плеўку, каб ён не ўбіраў вільгаць.
Гукаізаляцыя — абшыўка сцен і столі адпаведнымі матэрыяламі, у прыватнасці пенапластам або мінеральнай ватай.
Для гэтых відаў работ, як і для іншых, што адносяцца да перапланіроўкі і пераўладкавання, неабходна атрымаць узгадненне ў адміністрацыі раёна.
Разам з тым выключана неабходнасць заключэння дамоў будаўнічага падраду. Цяпер рэканструкцыю і перапланіроўку можа выконваць уласнік жылля сваімі сіламі або з прыцягненнем асоб, асноўным відам дзейнасці якіх з’яўляецца будаўніцтва.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі3
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары