Беларуская спартсменка Васіліна Хандошка заваявала першы для зборнай Беларусі медаль чэмпіянату Еўропы па водных відах спорту, які праходзіць у Парыжы.
3 жніўня адбыліся спаборніцтвы салістак у адвольнай праграме. За сваё выступленне Хандошка атрымала 292,3887 бала і заняла першае месца сярод 12 фіналістак.
Срэбраны медаль заваявала прадстаўніца Германіі Клара Бляер, якая адстала ад беларускай спартсменкі прыкладна на тры балы. Бронзу атрымала іспанка Ірыс Тыё Касас, якая саступіла пераможцы амаль восем балаў.
Для Васіліны Хандошкі гэта першы ў кар'еры залаты медаль чэмпіянату Еўропы. Раней, шэсць гадоў таму, на кантынентальным першынстве ў Будапешце яна стала бронзавай прызёркай.
Акрамя таго, у актыве беларускай сінхраністкі ёсць тры ўзнагароды чэмпіянатаў свету.
4 жніўня ў Парыжы будуць разыграныя медалі ў тэхнічнай праграме салістак.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары