Расіянку шпіталізавалі ў Мінску праз моцны перабор з энергетыкамі
Дзяўчына выпівала па дзве бляшанкі напою кожны дзень, пакуль у яе не пачалася цяжкая арытмія.
Паводле даных SHOT, 25‑гадовая Аляксандра з Пермі прыехала ў Беларусь з мужам на адпачынак.
Да гэтага дзяўчына кожны дзень рэгулярна выпівала па дзве вялікія бляшанкі энергетыку і лічыла, што гэта нармальна.
Праўда, у Мінску яна вырашыла зрабіць паўзу, але сарвалася за дзень да вылету. Сэрца такога не вытрымала, і літаральна праз некалькі гадзін пасля дзвюх бляшанак рэзка ўпаў ціск да крытычных 85/55.
Ёй выклікалі хуткую, якая зафіксавала пульс на адзнацы 210 удараў на хвіліну і працяглае падзенне ціску.
Медыкі экстранна паставілі катэтар і зрабілі ўкол. Дыханне турысткі нармалізавалася, стан стабілізаваўся, але ненадоўга. На наступную раніцу, калі пара збіралася дадому, сэрца схапіла зноў.
Аляксандру завезлі ў бальніцу. Урачы дыягнаставалі арытмію верхніх жалудачкаў і арытмагенны шок. Пульс 210 удараў на хвіліну азначае, што сэрца білася ўхаластую і пераставала пампаваць кроў да органаў. Гэта магло прывесці да гіпаксіі мозгу, страты прытомнасці і нават фібрыляцыі — фактычнага прыпынення сэрца. Пасля выпіскі дзяўчыну накіравалі на даабследаванне ўжо ў Расіі.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары
[Зрэдагавана]