Трупа дзяржаўнага Купалаўскага тэатра папоўнілася расійскай актрысай Крысцінай Андрэевай. Інфармацыя пра яе з’явілася на афіцыйным сайце тэатра, заўважыла выданне «Люстэрка».
Крысціна Андрэева нарадзілася ў 1996 годзе ў горадзе Гусінаазёрску ў Бураціі. Яе бабуля і дзядуля хацелі, каб унучка звязала жыццё з сілавымі структурамі: марылі, каб яна стала следчай, пракуроркай або суддзёй. Спачатку дзяўчына сапраўды скончыла юрыдычны факультэт Іркуцкага ўніверсітэта, але пасля вырашыла змяніць прафесію і паступіла ў Іркуцкае тэатральнае вучылішча.
Пазней Андрэева стала актрысай Казанскага тэатра і ў яго складзе прыязджала на гастролі ў Мінск. Паводле яе слоў, тады мінскія гледачы сустракалі артыстаў каля службовага ўваходу, размаўлялі з імі і дзякавалі за выступленні.
Цяпер Андрэева ўжо працуе ў Купалаўскім тэатры і ўдзельнічае ў трох спектаклях. Пры гэтым яна не згадвала пра беларускія карані або іншыя сувязі з Беларуссю. Таксама невядома, ці валодае актрыса беларускай мовай, на якой ставяцца спектаклі з яе ўдзелам.
Пасля падзей 2020 года большасць тагачаснай трупы Купалаўскага тэатра звольнілася на знак пратэсту супраць фальсіфікацыі выбараў і гвалту сілавікоў.
Тэатр аднавіў працу толькі ў сакавіку 2021 года. Пасля гэтага ягонаму кіраўніцтву не ўдалося набраць дастатковую колькасць новых беларускіх актораў, бо многія адмовіліся ад прапанаванай працы. Таму ў тэатр пачалі запрашаць артыстаў з Расіі, у тым ліку выпускнікоў Расійскага інстытута тэатральнага мастацтва (ГИТИС) і былых студэнтаў Інстытута сучаснага мастацтва ў Маскве. У сакавіку 2026 года мастацкім кіраўніком Купалаўскага тэатра стаў расіянін Дзмітрый Акімаў.
У Купалаўскім тэатры расійскія рэжысёры правядуць творчую лабараторыю, у якой абяруць спектакль для рэпертуару
Новы мастацкі кіраўнік Купалаўскага тэатра працуе таксама ў Абхазіі
Купалаўскі тэатр прэзентуе спектакль «Чорны замак Альшанскі»
Намеснікам дырэктара Купалаўскага тэатра, імаверна, стаў былы афіцэр КДБ
А што з Вольгай Няфёдавай, якую ў крэсле мастацкага кіраўніка Купалаўскага замяніў расіянін?
Новы мастацкі кіраўнік Купалаўскага — расіянін з правінцыйных тэатраў
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча21
Каментары
Настоящий Купаловский в эмиграции