Меркаванні3030

Антываенная частка расійскага грамадства не здолела прадэманстраваць сваёй пазіцыі на выбарах у Дзярждуму

У Расіі па-ранейшаму «ўсё схвачана, за ўсё заплачана». Але хоць антыпуцінская апазіцыя і не здолела супрацьпаставіць адзіны план дзеянняў, унутраная страсць у рэжыме таксама на вачах згасае, піша Мікола Бугай пра вынікі выбараў у расійскую Думу.

Эла Памфілава ў Расіі займае тую ж пазіцыю, якую ў Беларусі доўгі час займала Лідзія Ярмошына, — старшыні ЦВК. На фота — 21 верасня 2026 года, AP Photo / Pavel Bednyakov

Зняццё з выбараў партыі «Яблык» — апошняй, якая нерашуча выступала супраць вайны, было найлепшым сацыялагічным знакам, што немаленькая частка расійскага грамадства гатовая кансалідавацца вакол любой антываеннай альтэрнатывы — хоць якой. Інакш бы «Яблыка» не забаранялі, як яго не забаранялі на ранейшых выбарах.

20 верасня расійскай апазіцыі не ўдалося дасягнуць таго, што здолелі беларусы ў 2020‑м — паказаць, што кароль голы, што людзі хочуць іншага.

Гэта адбылося таму, што антываенная частка расійскага грамадства застаецца ў перманентна раздробленым стане. Адны заклікалі да байкоту, другія — за галасаванне супраць «Адзінай Расіі». Трэція выступалі за псеўдаліберальных «Новых людзей» — маўляў, яны найменшае зло, чацвёртыя — за выкрэсліванне ўсіх. Навальная і Кац прапанавалі складаны для масавага выбаршчыка прынцып — «галасаванне за самага моцнага канкурэнта «Адзінай Расіі» ў той ці іншай акрузе» і галасаванне па партыйных спісах за хоць якую партыю, абы не за «Адзіную Расію». Можна падумаць, што ў вас свабодныя выбары.

Яны таксама заклікалі паўтарыць тое, што эфектна здзейснілі беларусы ў 2020-м: прыйсці на ўчасткі ў вызначаны час. Толькі што смелых беларусаў была крытычная маса тады, а ў Расіі яе цяпер няма, таму і гэтая ідэя не спрацавала.

«Яны сядзяць за мяжою і вамі маніпулююць», — адважна запярэчыў удаве Навальнага старшыня партыі «Яблык».

Карацей, хто ў лес, хто па дровы, а тайга ў Расіі бязмежная.

Пры гэтым выразна заўважная і страта рэжымам унутранай энергіі.

Ускосныя сігналы — выказванні ў сацсетках ці, дакладней, масавае маўчанне ў сацсетках, галасаванкі ў тэлеграме, якія ўладам даводзілася пастфактум накручваць — паказваюць нам, што вайна стаміла нават шавіністычную частку грамадства, аўдыторыю Z-каналаў.

Ёсць разгалінаваны рэпрэсіўны апарат, ёсць самая дарагая ў свеце машына прапаганды: нават Кітай такой не мае. Але няма ніякіх прыкмет, што рэжым Пуціна выклікае ранейшы энтузіязм. 99,9% за Кадырава ёсць, а энтузіязму нуль. Усё змацавана па прынцыпе «ўсё схвачана, за ўсё заплачана», а ўнутраная страсць згасае.

Гэта не азначае непазбежнасці перамен. Калі такая сістэма мае рэсурсы, яна можа рухацца на іх доўга, а то і да змены сістэмы каардынат.

Агенты рэжыму будуць і далей рабіць усё — ад маніпуляцый да забойстваў, каб адзінага лідара, адзінага цэнтра апазіцыі не з’явілася.

Гэта таксама тлумачыць, чаму гэтая бойня працягваецца — патрэбныя імперыялістычныя поспехі.

Але, на маю сціплую думку, калі нейкія колы з атачэння Пуціна ці пераемнік Пуціна захочуць змяніць курс, ім таксама ёсць на чым сыграць і на каго абаперціся.

Каментары30

  • Рацыя
    21.09.2026
    Менавіта так! У Беларусі, дзякуючы намаганням Нацыянальнай лідаркі і яе дарадцаў, ніякай раздробленасці няма і ўсе згуртаваныя вакол нашай Прэзідэнткі і ясна нацэленыя на перамогу.
  • Дзікпікавіч
    21.09.2026
    Выдаць чарговую прэмію ці нават ордэн
  • Тру
    21.09.2026
    Дзіўна, што, нават атрымаўшы паганы, але рэальны досвед 2020-га года, аўтар дагэтуль мысліць катэгорыямі фрыгіднай электаральнай дэмакратыі (як і расейская апазіцыя). Маўляў, трэба было паказаць, колькі нас, і праз гэта меў стацца нейкі цуд. І, што галоўнае, — каму вы хочаце гэта паказаць? Пуціну? Трампу? ЕС? Што вы хочаце атрымаць за гэтую дэманстрацыю? Капітуляцыю ўсіх вежаў Крамля? Глыбокую занепакоенасць?

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

У Лунінцы з'явіўся вагон-рэстаран, дзеля якога туды едуць з іншых гарадоў6

З Мінска і Пінска на ўвесь свет: як сям’я Бэнэнсанаў-Саламон змяніла бізнес, дабрачыннасць і праваабарончы рух

«Мы будзем памятаць яе маладой» і «Гэта ж Дзмітры Рабаў!» Што яшчэ людзі пішуць пра новую версію «Быхаўскай мадонны»?10

Акцёра Дэпардзьё і пісьменніка Уэльбека абвінавачвае ў сэксуальным гвалце акцёрка з фільма «Спа»3

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

Расія атакавала балістычнымі ракетамі цэнтр Крывога Рога: загінулі фельчарка і дзіця, 58 чалавек параненыя1

Жанчыны пад Маладзечнам стварылі падпольную каталіцкую грамаду — і перажылі СССР8

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць