Абраны новы старшыня Міжнароднай федэрацыі хакею. Сярод прэтэндэнтаў быў беларус
15‑м прэзідэнтам Міжнароднай федэрацыі хакею (ІІХФ) стаў 72‑гадовы немец Франц Райндль.
Ён стаў першым грамадзянінам Германіі, які заняў гэтую пасаду пасля Гюнтэра Сабецкі (1975—1994).
Першапачаткова прэтэндэнтаў на пасаду было дзевяць, у тым ліку і беларус Сяргей Ганчароў, але ён зняў сваю кандыдатуру да галасавання, як і некаторыя іншыя кандыдаты.
Галасаванне праходзіла ў два туры, у ім удзельнічалі Райндль, чэх Петэр Бржыза і кыргыз Айваз Амарканаў. Райндля абралі ў другім туры.
Тэрмін паўнамоцтваў новага прэзідэнта і Рады ІІХФ працягнецца з кастрычніка 2026 года па кастрычнік 2030 года. Зараз кіраўніком сусветнага хакею з'яўляецца канадзец Люк Тардзіф
Райндль быў прафесійным хакеістам, удзельнічаў у трох Алімпіядах, васьмі чэмпіянатах свету, а з 1992 па 2014 год быў генеральным менеджарам нацыянальнай зборнай Германіі, таксама арганізаваў у гэтай краіне тры чэмпіянаты свету. З 2014 па 2022 гады быў прэзідэнтам Федэрацыі хакея Германіі.
Нагадаем, што пасля пачатку поўнамаштабнай вайны Расіі супраць Украіны расійскі і беларускі хакей знаходзіцца ў міжнародным бане. Зборныя былі адхіленыя ад чэмпіянатаў свету і Алімпіядаў, клубы не ўдзельнічаюць у хакейных еўракубках. Улетку да міжнародных спаборніцтваў вярнулі беларускі юнацкі і жаночы хакей, але моладзевая і нацыянальная зборныя пакуль пад санкцыямі.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары