Беларусь не прызнала рэзалюцыю Рады ААН па правах чалавека
20 лістапада беларуская дэлегацыя на67-й сесіі Генеральнай Асамблеі ААН заявіла, што не падтрымлівае рэзалюцыю па дакладзе Рады ААН па правах чалавека (РПЧ).
Дарадца Пастаяннага прадстаўніцтва Беларусі пры ААН Ларыса Бельская падкрэсліла, што такое рашэнне прынята беларускім бокам у сілу прычын прынцыповага характару, у тым ліку, звязаных з прыняццем Радай у ліпені 2012 рэзалюцыі, якая заснавала палітычна матываваны мандат спецыяльнага дакладчыка па Беларусі.
Гэтыя рашэнні, навязаныя Радзе групай дзяржаў ЕС, наўмысна скажаюць сітуацыю з правамі чалавека ў нашай краіне і накіраваны на ўмяшанне ва ўнутраныя справы Беларусі,— сказала Бельская.
«Прадстаўнік Беларусі выказала таксама заклапочанасць пашыранай практыкай выкарыстання Радай ААН па правах чалавека такіх рашэнняў для аказання палітычнага ціску на суверэнныя дзяржавы і ужываннем у дзейнасці РПЧ падвойных стандартаў ва ўгоду інтарэсам асобных груп краін».
Цяпер чытаюць
Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана3
Каментары