Пасля канцэрта Макса Каржа ў Франкфурце распачалі 11 крымінальных спраў
Паліцыя Франкфурта-на-Майне распачала 11 крымінальных спраў пасля канцэрта беларускага выканаўцы Макса Каржа, які адбыўся 10 кастрычніка. Пра гэта гаворыцца ў адказе мясцовых праваахоўнікаў на запыт Deutsche Welle.
Канцэрт Макса Каржа ў нямецкім Франкфурце-на-Майне. 10 кастрычніка 2026 года. Фота: DW
Усяго падчас канцэрта і пасля яго затрымалі 63 чалавекі. У іх праверылі дакументы і правялі асабісты надгляд. У паліцыі патлумачылі, што такія меры лічацца часовым абмежаваннем свабоды.
У большасці выпадкаў гаворка ішла пра падазрэнні ў нанясенні цялесных пашкоджанняў і супраціўленні супрацоўнікам паліцыі.
Прэтэнзій да арганізатараў канцэрта ў праваахоўнікаў няма. У паліцыі адзначылі, што арганізатар належным чынам выконваў свае абавязкі падчас мерапрыемства, у прыватнасці выдаляў з яго людзей, якія парушалі правілы паводзін.
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
У Франкфурце затрымлівалі фанатаў Макса Каржа, якія запалілі сотні фаераў на мосце
«Праваслаўныя актывісты» данеслі на Макса Каржа ў Генпракуратуру Расіі з-за радкоў «И не нужна война, не нужна она»
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары