Старшыня Дзяржаўнай памежнай службы Украіны Сяргей Дэйнэка ў эфіры нацыянальнага тэлемарафону паведаміў, што цяпер Расія сабрала ў Беларусі групоўку войскаў колькасцю 10200 чалавек, а гэтай колькасці для наступлення на Украіну недастаткова. Пра гэта піша «Украінская праўда».
«Тая групоўка, якая ёсць ва Узброеных сіл Расійскай Федэрацыі (у Беларусі) — гэта каля 10 200 вайскоўцаў, яна не ў стане выканаць задачу па паўторным наступленні на тэрыторыю нашай дзяржавы», — заявіў галоўны памежнік Украіны.
І выведка, і памежная служба, і аператыўна-вышуковыя падраздзяленні Украіны, паводле ягоных слоў, манітораць абстаноўку на тэрыторыі Беларусі, ім таксама дапамагаюць «сакрэтныя памочнікі».
І ўсе яны паведамляюць, што «рэальных магчымасцяў» для наступлення на гэтым кірунку ў ворага цяпер няма.
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары