Беларусь застаецца буйным пастаўшчыком дарагіх еўрапейскіх машын у Расію
Нягледзячы на скарачэнне імпарту легкавых аўтамабіляў з трэціх краін у Расію праз Беларусь, ягоныя аб'ёмы па-ранейшаму застаюцца значнымі. Па словах заснавальніка расійскага аналітычнага агенцтва «Аўтастат» Сяргея Цэлікава, за першыя восем месяцаў 2026 года праз Беларусь на расійскі рынак трапіла 16,4 тысячы імпартных легкавых аўтамабіляў, пераважна прэміяльных марак.
У параўнанні з аналагічным перыядам 2025 года колькасць такіх аўтамабіляў зменшылася на 8,4%. Значную частку імпарту склалі новыя машыны, прычым пераважна дарагія еўрапейскія красоверы прэміяльных брэндаў.
Найбольшай папулярнасцю сярод іх карыстаўся Mercedes-Benz G-Class — праз Беларусь у Расію трапіла 819 такіх аўтамабіляў. Далей ішлі BMW X5 — 564 машыны, Land Rover Range Rover — 539, BMW X7 — 394 і Porsche Cayenne — 368.
Паводле падлікаў «Аўтастата», больш за 20% новых аўтамабіляў BMW, увезеных у Расію, прайшлі транзітам праз Беларусь. Пры гэтым асноўным пастаўшчыком новых BMW на расійскі рынак стаў Кыргызстан, на долю якога прыпала 40% імпарту гэтай маркі.
Што тычыцца патрыманых аўтамабіляў, то з Беларусі ў Расію ў асноўным пастаўляюць машыны масавых марак Peugeot, Volkswagen і Renault. Каля паловы такіх аўтамабіляў маюць дызельныя рухавікі, а магутнасць 80% патрыманых машын не перавышае 160 конскіх сіл.
За ўвесь 2025 год з Беларусі ў Расію было ўвезена 17,1 тысячы новых легкавых аўтамабіляў з трэціх краін. На той момант гэта складала каля 10% расійскага рынку новых аўтамабіляў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары