Były ministr Kulašoŭ: Mnie nie soramna za padziei Płoščy
Jak paviedamlałasia raniej, były ministr unutranych spraŭ Anatol Kulašoŭ uładkavaŭsia ŭ vykankam SND na pasadu daradcy adździełu supracoŭnictva ŭ sfery baraćby sa złačynnaściu, teraryzmam i narkapahrozaj. Jon kaža, što spravy jaho iduć dobra, na novaj pasadzie jon nie maje nijakich prefierencyj. Spačatku Kulašoŭ admaŭlaŭsia ad intervju:
«Ja ŭžo vam stolki nadavaŭ hetych intervju, što vam, vidać, užo čytać padnadakučyła hetyja intervju».
Potym jon pahutaryŭ praz telefon. Na svajoj pasadzie ministra ŭnutranych spraŭ u 2010 hodzie Anatol Kulašoŭ kiravaŭ razhonam Płoščy 19 śniežnia. Ci pamianiaŭ jon svajo staŭleńnie da hetych padziejaŭ?
Kulašoŭ: «Ja svaich pazicyj, jak i staŭleńnia da ŭsiaho zroblenaha, nie mianiaŭ i nie mianiaju. Ja ž nie palityčnaja prastytutka. Ja — čałaviek słova, kali ja skazaŭ, to rablu. I mianiać svaju pazicyju adnosna taho, što było, ja nie źbiraŭsia, nie źbirajusia i nikoli hetaha nie zrablu. Bo ja dziejničaŭ u ramkach zakona, u ramkach svaich paŭnamoctvaŭ, jakija ni na jotu nie pieravysiŭ».
«To bok vam nia soramna?»
Kulašoŭ: «Nie soramna».
Na prośbu prakamientavać kryminalnuju spravu adnosna svajho byłoha namieśnika Jaŭhiena Południa Anatol Kulašoŭ skazaŭ:
«Ničoha ja nie kamientuju. Heta nie maja kampietencyja kamientavać. Źviartajciesia da taho, chto maje prava heta kamientavać».
«Vy znachodziciesia ŭ śpisie nieŭjaznych na terytoryju ES...»
Kulašoŭ: «Dyk što vas heta zajmaje? Što, bolš niama kudy jeździć Kulašovu, ci što? I što, na Jeŭropie śviet klinam syšoŭsia, ci što? Pajedu ŭ inšuju krainu, kali nie ŭ Jeŭropu, nu».
«To bok na vykanańni vašych słužbovych abaviazkaŭ na novaj pracy heta... »
Kulašoŭ: «Heta nijak nie adabjecca. Prykładam tamu była Francyja, kali vy mianie tam chacieli pasadzić. Pajechaŭ — i ciapier pajedu. Tamu nie pieražyvajcie: jak jeździŭ, tak i budu jeździć».
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary