U Finlandyi dyryžor tak staranna kiravaŭ arkiestram, što vybiŭ z ruk muzykantki skrypku XVIII stahodździa
Na kancercie Sinfonia Lahti ŭ Finlandyi adbyŭsia prykry vypadak: padčas vykanańnia skrypičnaha kancerta z ruk salistki Eliny Viachiala vypała vielmi kaštoŭnaja skrypka XVIII stahodździa, paviedamlaje yle.fi.
Pavodle paviedamleńniaŭ, incydent zdaryŭsia ŭ finale tvora. Dyryžor, aktyŭna kirujučy arkiestram, vypadkova začapiŭ instrumient svajoj rukoj, i skrypka vylecieła z ruk muzykantki. Instrumient upaŭ na padłohu, ale, jak adznačaje sama Viachiala, joj udałosia ŭ apošni momant padstavić nahu, kab źmiakčyć padzieńnie.
Heta skrypka — redki instrumient italjanskaha majstra XVIII stahodździa Džavani Batysta Hvadańjini. Jaje cana moža dasiahać ad adnaho da niekalkich miljonaŭ jeŭra. Ale dla muzykantki, jak jana śćviardžaje, važniejšy navat nie košt, a toje, što instrumient hadami «pryvyk» da jaje i staŭ častkaj jaje hučańnia i stylu.
Paśla incydentu kancert byŭ nienadoŭha spynieny. Instrumient ahledzieli, jaho padstroili i vystup praciahnuŭsia dalej. Adnak muzykantka adznačyła, što huk skrypki krychu źmianiŭsia — mahčyma, zrušyŭsia adzin z elemientaŭ abo krychu razyšłosia švo.
Ciapier instrumient adpravili na ahlad da śpiecyjalistaŭ-ramontnikaŭ. Papiarednie ličycca, što paškodžańni niaznačnyja, ale heta patrabuje pravierki.
Dyryžor paśla incydentu paprasiŭ prabačeńnia, a arkiestr padtrymaŭ salistku. Sama jana zła nie trymaje i spadziajecca chutka viarnuć svaju skrypku ŭ pracoŭny stan dla nastupnych kancertaŭ.
U Hrodnie mužčyna zabraŭ čužuju skrypku sam nie viedajučy dla čaho
«Ruskaja skrypka na Branščynie — fienomien, pra jaki vy i nie viedali». Biełarusaŭ razzłavała pryŭłaščvańnie ichniaj nacyjanalnaj kultury
Paśla skandałaŭ vakoł niaŭdałych pastanovak hałoŭnaha baletmajstra Teatra opiery i baleta abvinavacili ŭ płahijacie
Były kiraŭnik Prezidenckaha arkiestra trapiŭ pad ataku dronaŭ u Daniecku
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary