Ad čaćviarha ŭ niećviarozych kiroŭcaŭ buduć kanfiskoŭvać aŭtamabili
Zakon nabyvaje moc 24 kastryčnika, ale adlik pačynajecca na 10 miesiacaŭ raniej — z 1 studzienia.
Za pieršyja dzieviać miesiacaŭ 2013 hoda DAI złaviła kala 30 tysiač niećviarozych kiroŭcaŭ. Ad 24 kastryčnika ŭsie jany aŭtamatyčna stanuć patencyjnymi kandydatami na kanfiskacyju aŭtamabila. Zhodna z novym zakonam, takoje pakarańnie budzie ŭžyvacca suprać tych, kaho łoviać pjanym za rulom druhi raz.
DAI budzie adličvać pieryjad užyvańnia sankcyj z 1 studzienia 2013 hoda.
Z rostam kolkaści ŭłaśnikaŭ aŭtamabilaŭ pjanyja za rulom stali sapraŭdnaj biadoj dla Biełarusi. Mašyny stali dastupnymi pa canie dla ludziej samych roznych zvyčak. A paskareńnie rytmu žyćcia ŭ krainie pryviało da taho, što ludzi siadajuć za styrno ŭ kožnym razie.
Miž tym u pjanych źnižajecca reakcyja i adekvatnaść. U vyniku hinuć abo robiacca invalidami ludzi, u tym liku dzieci. Heta i vyklikała nieabchodnaść pryniaćcia stražejšych karaŭ za vypiŭku.
Zakon «Ab kiravańni transpartnym srodkam u niećviarozym stanie» praduhledžvaje pavieličeńnie štrafaŭ za pieršuju pajezdku niećviarozym da 50—100 bazavych vieličyń. Na siońnia heta adpaviedna 6,5—13 miljonam rubloŭ.
U kiroŭcy, jaki zatrymany vypiŭšy druhi raz na praciahu hoda, aŭtamabil buduć kanfiskoŭvać. Pryčym niezaležna ad taho, chto źjaŭlajecca ŭłaśnikam mašyny. Asabliva złosnych parušalnikaŭ buduć sadzić u turmu.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała22
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5454
Kamientary