U Polščy raskryli schiemu vyvazu padsankcyjnych tavaraŭ u Biełaruś. Zatrymali supracoŭnicu mytni
Polskaja prakuratura raskryła dziejnaść arhanizavanaj złačynnaj hrupy, jakaja niezakonna vyvoziła sankcyjnyja tavary ŭ Biełaruś. Pavodle danych Rehijanalnaj prakuratury ŭ Lublinie, hrupa dziejničała z červienia 2025 hoda pa krasavik 2026 hoda na pamiežnych pierachodach Kukuryki, Karaščyn i Terespal.
Schiema była nastupnaja: udzielniki pieravozili zabaronienyja da ekspartu tavary (naprykład, aŭtazapčastki i detali dla techniki), ale afarmlali ich jak zvyčajnyja pradukty — prysmaki, kavu abo piva. Dla hetaha vykarystoŭvali dva kamplekty dakumientaŭ: falšyvyja — dla polskaj mytni i sapraŭdnyja — dla padačy ŭžo na biełaruskaj miažy.
Važnuju rolu ŭ schiemie adyhryvała supracoŭnica mytna-padatkovaj słužby Mahdalena V. Pavodle materyjałaŭ śledstva, jana za chabar prapuskała hruzy biez pravierki. Ahulnaja suma atrymanych joj hrošaj skłała nie mienš za 162,5 tysiačy złotych (kala 42,2 tysiačy jeŭra). Padčas pieratrusu ŭ jaje znajšli kala 385 tysiač złotych (kala 91 tysiačy jeŭra) najaŭnymi i amal 2 tysiačy jeŭra.
Usiaho byli zatrymanyja 6 čałaviek. Im vystavili abvinavačańni va ŭdziele ŭ arhanizavanaj złačynnaj hrupie, kantrabandzie i abychodzie sankcyj, a taksama ŭ karupcyi (dla słužbovaj asoby).
Sud u Lublinie ŭziaŭ supracoŭnicu mytni pad vartu na 3 miesiacy. Astatnim padazravanym pryznačyli bolš miakkija miery strymańnia — zakład, padpiska ab niavyjeździe i kantrol palicyi.
Rasśledavańnie praciahvajecca i nie vyklučana, što ŭ spravie źjaviacca novyja fihuranty.
MZS Litvy paćvierdziła, što kraina abmiarkoŭvaje z ZŠA pytańnie biełaruskich kalijnych uhnajeńniaŭ
Kampanija, jakaja chacieła zarabić na pastaŭkach u ES kalijnaj soli pad vyhladam soli dla daroh, kinuła «Biełaruśkalij» i zbankrutavała
U punkcie propusku «Kazłovičy» fura najechała na 24‑hadovaha supracoŭnika łahistyčnaj kampanii
Ciapier čytajuć
Pačobut parazvažaŭ, ad čaho zaležyć budučynia Biełarusi8
Kamientary