Były ministr abarony Ukrainy: Pucina ŭ Kijevie zabili b. I pravilna zrabili b
Pucin nikoli nie pryjedzie ŭ Kijeŭ, na kantakty ź im niama čaho raźličvać, — zajaviŭ u «Šustier Live» na Pieršym nacyjanalnym kanale ŭkrainskaha telebačańnia były ministr abarony Ukrainy Anatol Hrycenka. Nie pryjedzie choć by tamu, što znajšoŭsia b čałaviek, jaki, za ŭsio toje zło, što Pucin narabiŭ va Ukrainie, jaho prosta zabiŭ by, ličyć Hrycenka. «I pravilna zrabiŭ by», — dadaŭ jon. Na žartaŭlivuju prapanovu viadučaha vydalić dadzieny epizod z efiru jon adkazaŭ admovaj.
Hrycenka nazvaŭ Pucina fašystam. «Nijaki Pucin, tym bolš Pucin-ahresar, Pucin-fašyst, jaki ciapier zabivaje našych ludziej, nie pavinien vyznačać našu budučyniu… My sami vyznačym svaju budučyniu», — padkreśliŭ palityk.
Hrycenka asudziŭ sproby znajści kampramis z bajevikami Danbasa i zaklikaŭ Piatra Parašenku dziejničać žorstka.
Anatol Hrycenka zaniaŭ 4-je miesca na apošnich prezidenckich vybarach va Ukrainie. Jahony syn u hetyja miesiacy znachodzicca ŭ dziejučaj armii ŭ Danbasie.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary