Były chakieist zbornaj raskazaŭ, chto zarablaje na biestsielery jaho pamierłaj žonki Nadziei Mialeški
U 2023‑m vyjšła kniha «Utro nastupajet vsiehda», dzie błohierka Nadzieja Mialeška raskazała pra svaju baraćbu z rakam hrudziej, ad jakoha i pamierła. Ciapier udaviec Nadziei, chakieist Dźmitryj Mialeška prakamientavaŭ, chto zarablaje na toj knizie.
Mialeška raskazaŭ pra zarobak ad knihi, adkazvajučy na pytańnie ŭ svaim instahramie. Dźmitryja spytali, ci atrymlivaje jon pracenty ad prodažaŭ knihi na Wildberries.
I były chakieist zbornaj raskryŭ usiu kuchniu:
«My majem damovu z vydaviectvam «Kamsamolskaja praŭda», i ad vydaviectva my atrymlivajem svaje 20%. Ad Wildberries, Ozon i ŭsiaho astatniaha my ničoha nie atrymlivajem.
Šmat chto dumaje: voś, jany žyvuć za košt knihi. Ale kniha — heta bolš jak pamiać. Kali kniha vyjšła, prodažy, viadoma, byli dobryja, byŭ taki sumny ažyjataž. Ale ciapier vielmi šmat padrobak, i prodažaŭ asabliva niama».
Kniha «Utro nastupajet vsiehda» vyjšła ŭ krasaviku 2023 hoda z nakładam 15 tysiač asobnikaŭ. Pieršy tyraž raskupili praktyčna adrazu — tady historyja z chvarobaj Nadziei, papularnaj błohierki, była na słychu. Pamierła Nadzieja za miesiac da vychadu knihi.
«Naša Niva» — bastyjon biełaruščyny
PADTRYMAĆ
Kamientary