Pamior bubnač Andrej Fiłataŭ — muzyka rok-hurtoŭ «Suzorje», Mojo Blues, «Krama»
Muzykantu byŭ 71 hod.
23 traŭnia pajšoŭ z žyćcia Andrej «Fił» Fiłataŭ — udzielnik rok-hurtoŭ «Suzorje», Zindan, Mojo Blues, «Krama», piša Reform.news.
Jak adznačajuć jaho siabry, dva dni tamu ŭ tvorcy zdaryŭsia insult. Jaho nie stała siońnia ranicaj. Muzykantu byŭ 71 hod.
Andrej Fiłataŭ naradziŭsia ŭ Minsku ŭ 1954 hodzie. Skončyŭ fizičny fakultet BDU. Na scenie z 1977 hodu, kali debiutavaŭ u hurcie «Suzorje». Suaŭtar chita «Suzorja» «Viasieńni dzień».
Dałučyŭsia da hurta Zindan u 1991-m. U 1999 hodzie staŭ udzielnikam «Mojo Blues», praz hod uvajšoŭ u «Kramu».
Ź siaredziny 1990‑ch da 2003 hodu byŭ hukarežysioram minskaha «Star-kłubu», vystupaŭ jak viadučy fiestyvalu «Bluz žyvie ŭ Minsku». Uładalnik hałoŭnaha pryzu fiestyvalu imia R. Rydła ŭ Tychach (Polšča) u 2003 hodzie.
Andrej Fiłataŭ vioŭ svoj kanał na YouTube, dzie vykładvaŭ zapisy vystupaŭ biełaruskich rok– i bluz-hurtoŭ i vykanaŭcaŭ.
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary