Muzyčny fiestyval-kirmaš adbudziecca siońnia la siadziby Michaiła Kleafasa Ahinskaha ŭ Zaleśsi Smarhonskaha rajona, paviedamili ŭ rajvykankamie.
Fiestyval-kirmaš «Zaleśsie zaprašaje siabroŭ» sustrenie haściej teatralizavanym pradstaŭleńniem. Na hety raz artysty pasprabujuć adnavić, jak kaliści ŭ majontku znakamitaha suajčyńnika pravodzilisia dažynki. Haściej kirmašu buduć supravadžać artysty ŭ roli kniazioŭ Maryi i Michaiła Kleafasa Ahinskich.
Tradycyjna ŭ prahramie śviata aleja narodnych majstroŭ, ekskursii pa Zaleśsi, vystupleńnie tvorčych kalektyvaŭ — na hety raz ź Biełarusi, Polščy i Łatvii.
Na kirmašy ŭpieršyniu pradstaviać suvienirnuju pradukcyju, jakuju vyrablajuć školniki Smarhonskaha liceja i Zaleskaj siaredniaj škoły ŭ ramkach prajekta PRAAN. Pieršy raz praviaduć konkurs na lepšuju žnivieńskuju kvietkavuju kampazicyju.
Na śviacie vybieruć lepšaje padvorje, aformlenaje žycharami roznych viosak, adbudziecca rajonny sielskahaspadarčy konkurs maładych siemjaŭ «Uładar siała».
Płanujecca, što mierapryjemstva źbiare da 3 tys. haściej ź Biełarusi i krain-susiedziaŭ.
Kamientary