Biełarusam być modna: ź vieršami i krambambulaj, dy biez stryptyziorak FOTA, VIDEA
Paśla tematyčnych biełaruskich viečaryn u hłamurnych minskich kłubach nazvu «Biełarusam być modna» pierachapili i inšyja. 7 śniežnia ŭ kaviarni «Mistral», što na skryžavańni Vaładarskaj i Karła Marksa, prajšła svaja viečaryna «Biełarusam być modna».
U prahramie viečaryny — vystupy litarataraŭ «Litkaviarni», kirmaš z nacyjanalnymi suvienirami, konkursy z pryzami, dehustacyja miascovaj krambambuli pa staražytnym recepcie, akustyčny vystup Mikity Najdzionava z hurtu Hurma dy prahlad filmaŭ ź biełaruskim pierakładam.
Nazvu viečaryn z eratyčnymi tancami ŭ vyšyvankach arhanizatary ŭziali niezdarma.
«Pravilna było b nazvać jaje «Biełarusam być hodna, — kaža Aleś Śnieh, adzin z arhanizataraŭ. — Ale my ŭziali słova «modna». My chočam zrabić estafietu, kali takija viečaryny robiać ad kaviarni da kaviarni».
«Tam [na hłamurnych viečarynach — NN] byŭ adzin narod, siudy ž pryjšli ludzi, jakija bolej padkavanyja ŭ «biełaruskaści», dla ich nie treba tancy. Jany išli na film, na vieršy, na muzyku», — tłumačyć jon.
Biełaruskija viečaryny, razdačy stužak, vyšymajki — heta zakanamiernaja tendencyja?
«Heta chvala. Jana źjaviłasia raptoŭna, ale biezumoŭna ŭ jaje byli padstavy, — miarkuje Aleś. Padstavy mohuć być roznyja. Tut była i Ŭkraina. Ludzi adčuli ryzyku, treba pakazać, što jany biełarusy, — razvažaje jon. Pad hetuju chvalu trapiła ŭsio. Heta moda. Asnoŭnaje, kab paśla hetaj mody z nami ŭ «biełaruščynie» zastałosia bolš ludziej. Moda prychodzić i sychodzić, ale čym bolš my hetaj modaj pryciahniem da siabie, tym lepš».
«Pra vyhadu tut nichto nie dumaŭ, — kaža Ała Ščarbakova, dyrektar kaviarni «Mistral». Chočacca, kab bolš ludziej da našaj «biełaruskaści» pavaročvalisia. Kab pačali adčuvać siabie biełarusami».
«Kali brać kamiercyju, navat kali pryjšli siońnia ludzi, jakija ničoha nie kupili, druhi raz jany buduć viedać pra nas. Buduć pamiatać, što im tut było ŭtulna, dobra, viesieła. Jany pryjduć da nas znoŭ — heta nam taksama cikava», — razvažaje jana.
U «Mistrali» nie było zaprošanych aktoraŭ ci admysłovych dekaracyj — tolki na bary hrała biełaruskamoŭnaja muzyka.
«Atmaśfieru, ja liču, robiać ludzi. Supracoŭniki i ŭ pieršuju čarhu hości», — tłumačyć dyrektar kaviarni.
Apytanka
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»69
Kamientary