Prezientacyja dyska dla nastaŭnikaŭ historyi i krajaznaŭcaŭ — 21 śniežnia

Zaprašajem nastaŭnikaŭ historyi i krajaznaŭcaŭ da ŭdziełu ŭ prezientacyi dyska dla vučniaŭ starejšych kłasaŭ «Biełaruś padzielenaja i abjadnanaja: 1939 hod u vusnych uspaminach». Mierapryjemstva adbudziecca 21 śniežnia 2014 hoda ŭ h. Minsku z 14.00 da 16.00.

Pavialičyć

«Biełaruś padzielenaja i abjadnanaja: 1939 hod u vusnych uspaminach» – unikalny navučalny pradukt, pryśviečany biełaruskaj historyi mižvajennaha času (1921-1939 hh.) i padziejam 17 vieraśnia 1939 hoda, kali Zachodniaja Biełaruś była dałučana da BSSR i adbyłosia abjadnańnie Biełarusi ŭ sučasnych miežach. Asnovu dyska składajuć bolš za 80 uryŭkaŭ z aŭtentyčnych videa- i aŭdyjaintervju sa śviedkami času (bolš za 30 asob, starejšych za 80 hadoŭ), ekśpiertami i zadańni da ich. Vyklučny pa svajoj cikavaści materyjał adlustroŭvaje žyvuju historyju – detalovyja apisańni bytavych situacyj, trapnyja acenki śviedkami tahačasnych padziej, ščyryja emocyi, žyvyja vobrazy, niepaŭtornuju movu. Mierkavańni vidavočcaŭ buduć karysnym dadatkam da faktałahičnaj infarmacyi pa temie na ŭroku pa historyi Biełarusi. Jany dapamohuć zrazumieć staŭleńnie prostych žycharoŭ biełaruskich terytoryj da losavyznačalnych histaryčnych pieramien.

Dysk źmiaščaje šmatlikija dadatkovyja navukovyja i mietadyčnyja materyjały – fotazdymki, kopii dakumientaŭ, karty, transkrypty da ŭspaminaŭ i bijahrafii śviedak času, a taksama materyjały pa vusnaj historyi, hłasaryj, chranałahičnuju škału, kartu pachodžańnia śviedak času dy inš. U kamplekt uvachodzić brašura dla nastaŭnikaŭ ź mietadyčnymi paradami i adkazami da zadańniaŭ.

Dysk pryznačany dla vykarystańnia nastaŭnikami na ŭrokach pa historyi Biełarusi i ŭ pazakłasnaj pracy, a taksama dla ŭsich, chto cikavicca historyjaj Biełarusi.

Materyjały padrychtavanyja ŭ miežach internet-prajekta «Biełaruski archiŭ vusnaj historyi» (http://www.nashapamiac.org/).

Pavialičyć

Na prezientacyi Vy:

· daviedajeciesia, čamu dla zaniatkaŭ z vučniami karysnyja vusnahistaryčnyja materyjały, jak stvaraŭsia hety ŭnikalny dysk, adbiralisia materyjały da jaho, rychtavalisia zadańni;

· budziecie pieršymi, chto paznajomicca i pasprabuje papracavać z hetym navučalnym praduktam, i zmoža prakamientavać vynik;

· atrymajecie dysk z paradami dla nastaŭnikaŭ pa vykarystańni na ŭrokach.

Kali vy chočacie paŭdzielničać u hetym mierapryjemstvie, kali łaska, dasyłajcie zajaŭki z paznačeńniem kantaktnaj infarmacyi i matyvacyi ŭdziełu na adras [email protected] da 18 śniežnia 2014 hoda. Arhanizatary apłočvajuć prajezd (pa najaŭnych kvitkach) i pry nieabchodnaść pražyvańnie (u takim vypadku prośba padavać zajaŭku da 16 śniežnia)

Telefon dla kantaktaŭ: + 375 29 144 83 10 (Iryna)

• 0
• 0
• 0
• 0
• 0
• 0
• 0
• 0