Pravierka Andreja Łuhavoha na detektary chłuśni nie zasłuhoŭvaje davieru, zajaviŭ ekśpiert na słuchańniach u Łondanie pa spravie ab zabojstvie byłoha supracoŭnika FSB Alaksandra Litvinienki.
U paniadziełak pasiadžeńnie ŭ Vysokim sudzie było całkam pryśviečana vyznačeńniu abstavinaŭ prachodžańnia testu Łuhavoha na palihrafie — niahledziačy na toje, što ŭ lubym vypadku anhlijskaje pravasudździe nie pryznaje pravierki na detektary chłuśni ŭ jakaści dokazy.
U toj ža dzień u Maskvie było abvieščana, što Łuhavoj, padazravany ŭ Brytanii ŭ atručvańni Litvinienki radyjeaktyŭnym pałonijem, atrymaŭ ad prezidenta Rasii Uładzimira Pucina orden «Za zasłuhi pierad Ajčynaj».
U paviedamleńni Kramla tłumačycca, što Łuhavoj atrymaŭ uznaharodu za svaju dziejnaść u jakaści deputata Dziarždumy. Andrej Łuhavoj, jaki staŭ deputatam ad ŁDPR jak raz paśla taho, jak Brytanija zapatrabavała ŭ Rasii jaho ekstradycyi, źjaŭlajecca saaŭtaram zakonaprajekta ab dasudovym błakavańni internet-sajtaŭ.
Na dumku pravaabaroncaŭ, hety zakon surjozna abmiežavaŭ svabodu słova ŭ Rasii.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary