Kult kata, inakš i nie skažaš, nabyŭ u haradzienskim manastyry kurjoznyja, amal bułhakaŭskija, formy…
Nastajacielnica žanočaha manastyra Rastva Baharodzicy matuška Haŭryiła (Hłuchava) u Horadni ci nie samy publičny pradstaŭnik carkoŭnaj ijerarchii. Jaje časta možna ŭbačyć na aficyjnych haradskich mierapryjemstvach, navat na trybunie padčas paradaŭ, a taksama na staronkach «Hrodzienskaj praŭdy». U časy adyjoznaha hubiernatara Saŭčanki kazali navat pra «kłub siabroŭ» matuški ź liku dyrektaraŭ i načalnikaŭ, jakija zachodzili ŭ manastyr «na harbatu».
Pytańnie pra manastyrskaha hadavanca ŭpieršyniu paŭstała ŭ haradziencaŭ u 2008 hodzie paśla źjaŭleńnia ŭ prodažy maroziva «Pušok» z vyjavaj biełaha puchnataha kata i podpisam «…po Błahosłavieniju patriaršieho Ekzarcha vsieja Biełarusi, Vysokoprieośviaŝieńniejšieho Mitropolita Minskoho i Słuckoho Fiłarieta».
Tady ŭ ŚMI i pačalisia sprečki: čyj heta kot — dyrektara fabryki abo navat samoha mitrapalita Fiłareta?..
Usio akazałasia praściej i składaniej adnačasova: Pušok — lubimy kot ihumieńni Haŭryiły, a pakolki matuška ščylna siabruje z haradskim kiraŭnictvam, u tym liku dyrektarami pradpryjemstvaŭ, padobnaja ekstravahantnaja prapanova ź jaje boku, chutčej za ŭsio, znajšła vodhuk u sercach kiraŭnikoŭ fabryki «Mołočnyj mir», jakaja vypuściła maroziva…
Vypadak z marozivam moh by padacca vypadkovaściu, kali b Pušok pa niezrazumiełych mirskomu čałavieku pryčynach nie prysutničaŭ u publičnym žyćci manastyra ŭvieś čas:
U 2010 hodzie Horadniu z hastrolami naviedvaŭ Jury Kukłačoŭ, jaki …taksama nie abminuŭ mažlivaści sustrecca z Puškom. Pra heta aficyjnaja hazieta napisała ŭ rubrycy z suvorym nazovam «ŽYĆCIO», choć bolš darečnym, padajecca, było b apublikavać razam sa śvieckaj chronikaj.
Jak piša hazieta, dresiroŭščyka nastajacielnica zaprasiła na «duchovnoje obŝienije», dadaŭšy, što na takich sustrečach Pušok prysutničaje ledźvie nie ŭ abaviazkovym paradku(!). Naprykancy sustrečy Kukłačova, kaniešnie ž, pačastavali znakamitym marozivam.
«Jość, kaniešnie, manastyry, dzie asabliva staviacca da katoŭ, — raspaviadaje śviatar a. Alaksandr Šramko. — Naprykład sv. Mikoły na Kipry abo Alaksiejeŭskaja abiciel (Uhlič, Rasija). Ale heta inšaje, tam niama kulta niejkaha kata-hienierała, naŭprost ratujuć biesprytulnych žyviolinaŭ…»
«Darečy, kali vypuskałasia maroziva z podpisam pra błasłavieńnie, ja taksama źviartaŭsia ŭ jeparchiju, bo liču, što heta dyskredytuje Carkvu», — vykazaŭ mierkavańnie a. Alaksandr Šramko.
Cikava, što maroziva «Pušok» u haradzienskich kramach pradajecca i dahetul, ale ŭžo biez usialakich błasłavieńniaŭ. Mažliva, novy mitrapalit nie amatar sałodkaha…
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary