U BDU raspracavali jadomuju abhortku dla cukierak
U Navukova-daśledčym instytucie fizika-chimičnych prablem Biełdziaržuniviersiteta raspracavana jadomaja abhortka dla cukierak.
Jak paviedamlaje pres-słužba BDU, upakoŭka ŭjaŭlaje saboj poŭnaściu bijaraskładanuju plonku, jakaja zachoŭvaje smak, pach i źniešni vyhlad praduktaŭ. Taksama praduhledžana mahčymaść uviadzieńnia ŭ jaje skład inhredyjentaŭ, jakija dapaŭniajuć smakavyja charaktarystyki.
Navukovaja raspracoŭka vyrablena z pryrodnych charčovych palimieraŭ, «na 100% nietaksičnaja, bijasumiaščalnaja i poŭnaściu razłahajecca ŭ arhaniźmie čałavieka», havorycca ŭ paviedamleńni.
«Asnovaj atrymańnia jadomych plonak źjaŭlajecca ahulnadastupny kukuruzny kruchmał, jaki maje nizki košt. Usio heta stvaraje mahčymaść arhanizacyi kankurentazdolnaj vytvorčaści jadomych plonak u jakaści ŭpakovačnych materyjałaŭ», — zaznačyŭ zahadčyk łabaratoryi rastvoraŭ celułozy i praduktaŭ ich pierapracoŭki NDI FCHP Dźmitryj Hrynšpan.
Kamientary