Polski sud adobryŭ ekstradycyju viadomaha rasijskaha archieołaha va Ukrainu. Jaho vinavaciać u niezakonnych raskopkach u Krymie
Jaho advakat užo rychtuje apielacyju, kab nie dapuścić vydačy navukoŭca.
Polski sud dazvoliŭ ekstradycyju rasijskaha archieołaha Buciahina z Polščy va Ukrainu. Apielacyjny sud moža admianić abo źmianić siońniašniaje rašeńnie — albo adpravić spravu na paŭtorny razhlad. Maksimalny termin aryštu pa spravie ab ekstradycyi — dva hady, piša BBC.
Kali apielacyjny sud adobryć vydaču pieciarburhskaha archieołaha, sprava laža na stoł ministru justycyi Polščy. Za im zastajecca apošniaje słova ŭ spravach ab ekstradycyi.
Alaksandr Buciahin — viadomy rasijski navukoviec, supracoŭnik Dziaržaŭnaha Ermitaža, jaki zajmaje pasadu kiraŭnika adździeła antyčnaj archieałohii.
Jaho zatrymali ŭ śniežni 2025 hoda ŭ Polščy na zapyt ukrainskich uładaŭ.
U asnovie spravy suprać Buciahina — raskopki ŭ Krymie paśla jaho anieksii Rasijaj. Kijeŭ pryraŭnoŭvaje ich da źniščeńnia pomnikaŭ. Navukoviec nie admaŭlaje, što vioŭ raskopki biez dazvołu ŭkrainskich uładaŭ, ale kateharyčna nie zhodny z abvinavačvańniem u razbureńni kulturnaj spadčyny.
U intervju BBC jon skazaŭ, što praciahvaŭ pracavać u Krymie paśla jaho anieksii mienavita dla zachavańnia archieałahičnaha abjekta: «Spynieńnie rabot adbiłasia b na stanie pomnika, jaki staŭ by biez nahladu razburacca z-za naturalnych pryčyn, a taksama z-za dziejańniaŭ vandałaŭ i maradzioraŭ».
Buciahin — pieršy rasijski archieołah, zatrymany z-za raskopak u Krymie, ale daloka nie adziny, kaho Ukraina padazraje ŭ parušeńni zakona.
Hetaja sprava źjaŭlajecca važnym precedentam. Upieršyniu navukovaja dziejnaść na akupavanych terytoryjach kvalifikujecca jak kryminalnaje złačynstva, što ciahnie za saboj realny aryšt u krainie ES. Heta tyčycca roznych rasijskich śpiecyjalistaŭ (archieołahaŭ, restaŭrataraŭ, muziejščykaŭ), jakija pracavali ŭ Krymie paśla 2014 hoda.
-
Prykładna pałova ludziej, jakija vyžyli paśla teraktaŭ 11 vieraśnia, zachvareła na rak
-
U Francyi znoŭ abvastryłasia sprečka vakoł karciny Marka Šahała pad stollu Paryžskaj opiery
-
U Ńju-Jorku adnavili Viežy-bliźniaty ŭ naturalnuju vieličyniu z dapamohaj 2977 dronaŭ — pa kolkaści achviar terakta 11 vieraśnia
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary