Na zakryćci pieršaha biełaruskaha Oktoberfest'u 10 kastryčnika ŭ kaviarni «Kamarova village» zajhrajuć hurty «Tłušč», Pomidor/off i Dzieciuki.
10 kastryčnika ŭ Kamarova budzie pa-sapraŭdnamu horača. Svaje drajvovyja sety rychtujuć viadučyja pradstaŭniki biełaruskaj alternatyŭnaj sceny. Małady i ambitny pank-rok hurt «Tłušč» pakaža admysłovuju prahramu, ź jakoj vystupaŭ padčas minułahodniaha Oktoberfest u Hiurnbierhu.
«My zajhrajem najlepšyja svaje śpievy – sumieś dyska, panku, ska i hłemu ŭ huku tłuściejšym za bavarskija kiłbaski. Ich prychilna pryniali niamieckija słuchačy, a sioleta źbirajemsia paviesialić svaimi pieśniami i ziemlakoŭ», – kaža vakalist hurtu Pavieł Bieły.
Poŭny huk i adryŭ abiacaje i Alaksandr Pamidoraŭ, jaki ŭžo ŭdzielničaŭ u Oktoberfest u Kamarova z svaim bluzavym prajektam «Pjanyja hości» i duža paradavaŭsia niazmušanaj atmaśfiery śviata. Ciapier muzyka syhraje elektryčny set z svaim asnoŭnym hurtom – Pomidor/off, u jaki ŭvojduć najlepšyja numary z albomaŭ «Śviata pakradzienaje» i «Patas/Pops/Prapahanda».
Staŭku na viasiołyja pieśni zrobiać i hości z Hrodna – folk-pank hurt Dzieciuki, jaki zavieršyć sioletni fiestyval. «Sama impreza zadaje nastroj našamu setu, tak što sumna nie budzie. Spadziajemsia siarod inšaha syhrać i naš kavier na pieśniu «Streams Of Whiskey» hurta «The Pogues». Jaje volny pierakład dla nas zrabiŭ paet Andrej Chadanovič. Pieśnia nie pra piva, ale tematyka zrazumiełaja dla ŭsich», – raspaviadaje vakalist hurta Aleś Dzianisaŭ.
Nabyć kvitok na kancert. Košt – 200 000 (papiarednie), 250 000 (na ŭvachodzie).
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary