Ruch salidarnaści «Razam» zaklikaje biełaruskuju pazicyju abjadnacca. Pra heta havorycca ŭ zajavie minskich aktyvistaŭ arhanizacyi, schod jakich adbyŭsia 12 listapada ŭ stalicy.
«Kali raniej raźjadnanaść biełaruskaj apazicyi była prosta hłupstvam, to zaraz, u suviazi ź impieryjalistyčnymi pahrozami z boku Maskvy, heta źjaŭlajecca złačynstvam suprać biełaruskaj nacyi», — havorycca ŭ dakumiencie.
Ruch salidarnaści «Razam» ličyć, što abjadnańnie apazicyi pavinna adbycca «na pryznańni prava biełaruskaha naroda vybirać uładu, a heta aznačaje niepryznańnie vybarčych farsaŭ, jakija pravodzić režym ź listapada 1996 hoda, i prava biełaruskaha naroda na ŭłasnuju dziaržavu, što aznačaje patrabavańnie vyvadu rasijskich vajennych baz ź Biełarusi».
Minskija aktyvisty ruchu salidarnaści «Razam» taksama zaklikali ŭsie struktury, jakija ŭvachodziać u kaalicyi, zasnavanyja «na idejnych pryncypach niezaležnaści Biełarusi, viaršenstva prava i viartańnia ŭ jeŭrapiejskuju cyvilizacyju», da sumiesnych dziejańniaŭ «z metaj, ažyćciaŭleńnie jakoj daŭno patrabuje biełaruski narod, — abjadnańnie biełaruskaj apazicyi».
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča13
Kamientary