U Minsku Ruski dramatyčny teatr Litvy pakazaŭ muzyčny śpiektakl pa Alaksandru Uviadzienskamu «Jołka ŭ Ivanovych», jaki ŭ Litvie byŭ adznačany šeraham prestyžnych uznaharod.
Adnak, jak raspaviali kiraŭnik teatra Jonas Vajtkus i akcior Valancin Navapolski, mnohija hledačy ŭ biełaruskaj stalicy śpiektakl nie zrazumieli i pakinuli zału.
«Ja ich pavažaju za toje, što jany syšli, bo jany nie siadzieli i nie plavalisia dzieści tam unutry, a vykazali svajo staŭleńnie», - skazaŭ Jo.Vajtkus u intervju Biełaruskamu radyjo.
«Nas kalehi pytalisia, ci było nam ciažka na scenie, kali ludzi sychodzili. Da taho ž jany łajalisia i plavali. Ale ciažka nie było. My zrazumieli, što tut niešta trapiła ŭ balučaje miesca. Mabyć, ludzi nie čytali Uviadzienskaha, nie čytali Charmsa, mabyć, jany nie tak dobra viedajuć historyju litaratury. U hetym niama ničoha strašnaha, ja taksama šmat čaho nie viedaju», - skazaŭ V.Navapolski.
Śpiektakl byŭ pastaŭleny ŭ 2013 hodzie i atrymaŭ 4 prestyžnyja litoŭskija teatralnyja uznaharody «Załaty kryž».
Ruski teatr Litvy hastralavaŭ u Biełarusi z 25 pa 29 listapada. Upieršyniu na scenie Biełaruskaha dziaržaŭnaha akademičnaha muzyčnaha teatra ŭ Minsku byli pakazany śpiektakli «Zojkina kvatera», «Jołka ŭ Ivanovych», «Jaŭhien Aniehin», «Karol Lir».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva3
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary