Orhany finansavych rasśledavańniaŭ Kamiteta dziaržkantrolu vyjavili, što ŭ 16 taksaparkach Minska i Minskaj vobłaści zarobak u kanviertach atrymlivali bolš za 4 tysiačy kiroŭcaŭ.
Paviedamlajecca, što kiraŭniki i słužbovyja asoby hetych kampanij arhanizavali sistemu, pry jakoj najaŭnyja hrošy ad klijentaŭ kiroŭcy pakidali sabie jak niaŭličanuju častku dachodu. Kali takich srodkaŭ nie chapała (naprykład, kali pasažyry časta raźličvalisia kartkami), u ofisach taksaparkaŭ kiroŭcam dadatkova vydavali najaŭnyja hrošy, zahadzia abnajaŭlenyja kampanijami.
Častku bieznajaŭnych płaciažoŭ kiraŭnictva zdymała praz karparatyŭnyja kartki pad vyhladam vydatkaŭ «na haspadarčyja patreby». Kab prykryć heta, vykarystoŭvalisia fiktyŭnyja čeki i dakumienty z AZS, STA, aŭtamyjniaŭ i inšych ustanoŭ, uziatyja ŭ znajomych i ŭklučanyja ŭ buchhałtarski i padatkovy ŭlik.
U vyniku taksaparki nie zapłacili padachodny padatak ź fizičnych asobaŭ na sumu bolš za 5 miljonaŭ rubloŭ. Ciapier taksama padličvajecca zapazyčanaść pierad Fondam sacyjalnaj abarony nasielnictva.
U dačynieńni da piaci kiraŭnikoŭ i słužbovych asob zaviali 16 kryminalnych spraŭ. Padazravanyja zatrymanyja, na ich majomaść i srodki na rachunkach kampanij nakładzieny aryšt.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m28
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary