Latučy ŭniviersitet
hramadskaja kulturnickaja kampanija «Budźma biełarusami»
kursy biełaruskaj movy «Mova Nanova»
pradstaŭlajuć
cykł lekcyj, pryśviečanych Ihnatu Abdzirałoviču
IHAR BABKOŬ
ABDZIRAŁOVIČ I BIEŁARUSKAJA TRADYCYJA
19 śniežnia, 18.00 Tajm-kafe «FŁET»
Ihnat Abdzirałovič - aŭtar maleńkaha ese «Adviečnym šlacham» i vialikaj idei «lijučajsia formy». Amal nieviadomy ŭ minułym stahodździ, ciapier jon vyrazna bačycca nami jak PAČATAK samastojnaj biełaruskaj TRADYCYI MYŚLEŃNIA.
Z adnaho boku, pačatak – radykalnaje abnuleńnie, anihilacyja ŭsiaho papiaredniaha, punkt zero historyi. Ale mienavita abnuleńnie dazvalaje DUMAĆ tradycyju, a nie prosta jaje daśledavać albo kanstrujavać. Abdzirałovič – heta radykalnaja zajaŭka na subjektnaść i razhortvańnie admysłovaj biełaruskaj mietafiziki. Siońnia, kali vialikija prajekty zdajucca vyčarpanymi i budučyniu treba stvarać nanova, vielmi dziejsnym moža akazacca zvarot da PAČATKU.
U miežach Hodu biełaruskaha myśleńnia Latučy ŭniversitet u partniorstvie z hramadskaj kulturnickaj kampanijaj «Budźma biełarusami», kursami biełaruskaj movy «Mova Nanova» padrychtavaŭ intelektualny kaladny padarunak dla biełarusaŭ – cykł piaci lekcyj pra spadčynu Ihnata Abdzirałoviča. U miežach hetaha cykłu svaimi razvažańniami i refleksijami dzielacca sučasnyja biełaruskija fiłosafy: Pavieł Barkoŭski, Ihar Babkoŭ, Iryna Dubianieckaja, Michaił Bajaryn, Valancin Akudovič. Lekcyi buduć adbyvacca na praciahu śniežnia i studzienia ŭ piaci biełaruskich haradach: Harodnia, Homiel, Viciebsk, Maładziečna, Mahiloŭ.
19 śniežnia (subota) a 18.00 u Tajm-kafe «FŁET» fiłosaf, paet Ihar Babkoŭ pramović lekcyju «Abdzirałovič i biełaruskaja tradycyja». Lekcyja adbudziecca pa adrasie: vuł. Savieckaja, 124. Pačatak a 18.00. Uvachod volny!
Dadatkovaja infarmacyja pa teł.: +375296408812 (Homiel); +375297422040 (Miensk)
Anons lekcyi supravadžaje akvarel biełaruskaha mastaka Viačasłava Paŭłoŭca, krynica tut.
Kamientary