Alaksandr Łukašenka siońnia, zasłuchoŭvajučy dakład ab padatkovaj i akcyznaj palitycy ŭ 2016 hodzie, vykazaŭ abureńnie z nahody situacyi z taryfami na ŽKP.
Kiraŭnik krainy aznajomiŭsia ź situacyjaj z koštam žyllova-kamunalnych pasłuh.
«My byccam tam usio paličyli?» — nahadaŭ jon. Staršynia Kamiteta dziaržkantrolu Leanid Anfimaŭ kanstatavaŭ, što nieabchodnyja raźliki byli praviedzienyja, ale z prymianieńniem na praktycy atrymałasia z dakładnaściu da naadvarot, usio było zroblena, što nazyvajecca, «ad bałdy».
«Značyć, nadzieńcie kajdanki tym, chto nie vykanaŭ daviedzienyja pa maim zahadzie taryfy. Nadzieńcie i publična pasadzicie dziasiatak-druhi čałaviek. Usio stanie na svaje miescy, — zapatrabavaŭ kiraŭnik dziaržavy.
— Tut pavinien być śpis, chto hetuju «bałdu» prydumaŭ. Chopić ź imi žartavać. My tut niešta ličym, płanujem, a jany robiać usio pa-svojmu».
Akramia taho, Alaksandr Łukašenka daručyŭ, kab da 1 sakavika staršynia KDK, kiraŭnik Administracyi prezidenta, premjer-ministr pradstavili jamu raźliki taryfaŭ na žyllova-kamunalnyja pasłuhi.
«Vyvaz śmiećcia, aśviatleńnie, lift, uborka, ciepłavaja enierhija, ciopłaja i chałodnaja vada, haz, elektraenierhija — usio padličyć i pakłaści mnie hetyja taryfy», — skazaŭ kiraŭnik dziaržavy. Jon padkreśliŭ, što słužbovyja asoby, jakija nie daduć rady dadzienym siońnia daručeńniam, paniasuć za heta adkaznaść.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary