X MediaBarCamp adbudziecca 26—29 traŭnia 2016 ŭ Litvie i źbiare razam aktyvistaŭ ź Biełarusi i astatniaha śvietu: ad Kuby da Azierbajdžana, ad Šviecyi da Jehipta.
Arhanizataram MediaBarCamp 2016 źjaŭlajecca Swedish International Liberal Centre (SILC) u supracoŭnictvie z łakalnymi partniorami ŭ Biełarusi i Šviecyi. MediaBarCamp — unikalnaje mierapryjemstva, jakoje adbyvajecca ŭ farmacie nie-kanfierencyi i adkrytaj prastory, padčas jakoj prahrama składajecca i ŭparadkavajeca niepasredna samimi ŭdzielnikami.
Tema MediaBarCamp 2016 — Art&Transformation, ci mastactva i transfarmacyi. My imkniomsia sabrać razam ludziej, kab abmierkavać stanoviščy, padzialicca idejami i dośviedam pra toje, u jakoj stupieni palityčnyja pytańni majuć mastackaje pachodžańnie i nakolki mastactva moža ŭpłyvać na palityčnuju śfieru. Ci maje mastactva naohuł moc i mahčymaści dziela taho, kab što-niebudź źmianić u hramadstvie? Bo kožnaje mastackaje dziejańnie maje peŭny palityčny składnik.
Mastactva – heta artykulacyja ŭłasnaj pazicyi kreatyŭnymi srodkami. I heta toje, što abjadnoŭvaje mastactva i hramadskaje žyćcio. Heta reakcyja na sučasny momant ci subjektyŭnyja pradčuvańni chvalujučaj budučyni. Ale ž časam tvorčy čałaviek moža tak artykulavać ułasnuju pazicyju pa aktualnych prablemach, jak nivodny palityk nie zmoh by sabie dazvolić. Moža być, u hetym i jość patencyjał mastactva?
Isnuje šmat NDA i aktaraŭ hramadzianskaj supolnaści, jakija vielmi aktyŭna ŭklučany ŭ łakalnuju palityku i sprabujuć upłyvać na praces pryniaćcia rašeńniaŭ. U toj ža čas isnujuć palityčnyja arhanizacyi i instytucyi, jakija ŭsprymajuć siabie jak palityčnyja ŭstanovy, a na samaj spravie jany dziejničajuć jak NDA ci art-supołki. Takim čynam, prapanujem vam sustrecca i abmierkavać mahčymaści i abmiežavańni ŭpłyvu kreatyvu na hramadstva.
Metavaja aŭdytoryja
Błohiery, tvorcy, pierformiery, miedyja i palityčnyja aktyvisty, kalektyvy raspracoŭščykaŭ anłajn-prajektaŭ, stvaralniki inavacyjnych idej, sacyjalnyja pradprymalniki, aktyŭnyja hramadzianie i inšyja aktyvisty, jakija padzialajuć kaštoŭnaści svabody słova i vykazvańniaŭ, pradstaŭniki sacyjalna-kulturnych prajektaŭ, jakija vykarystoŭvajuć raznastajnyja miedyja technałohija dla kamunikacyi z metavaj aŭdytoryjaj.
DEADLINE
18 krasavika 2016 – apošni termin dla rehistracyja ŭ jakaści ŭdzielnika (i dla tych u kaho jość viza, i dla dych kamu jana patrebna). Kali łaska, zapoŭnicie anłajn-formu.
Bolš padrabiaznaściaŭ tut.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary