Syn ministra pryrody budzie supraćstajać «atamanu» Ułachoviču na parłamienckich vybarach
Adnym z kandydataŭ u 76-j akruzie ŭ Minskaj vobłaści źjaŭlajecca namieśnik hiendyrektara «Ahrakambinat» Ždanovičy «Viktar Kaŭchuta. Jak vyśvietliła «Salidarnaść», 33-hadovy pretendent na deputacki mandat źjaŭlajecca synam ministra pryrody Andreja Kaŭchuty.
Kaŭchuta-małodšy bałatujecca nie šlacham zboru podpisaŭ, a vyłučajecca ad pracoŭnaha kalektyvu. U pryjomnaj ahrakambinata «Ždanovičy» na pytańnie, jak možna źviazacca z kandydatam u deputaty, byŭ atrymany adkaz: «Nijak».
«Viktar Andrejevič znachodzicca ŭ pracoŭnym adpačynku i źlacieŭ. Jaho ciapier niama ŭ krainie», — patłumačyła dziaŭčyna-sakratar.
Kankurentam Viktara Kaŭchuty pa 76-j akruzie ŭ Minskaj vobłaści stanie kandydat Mikałaj Ułachovič — «kazačy ataman», namieśnik staršyni Minabłspažyŭsajuza, jaki ŭdzielničaŭ u prezidenckich vybarach 2015 hoda. Za čas svajoj karjery apošni zajmaŭ šerah dziaržaŭnych pasad, u tym liku na praciahu hoda pracavaŭ va Upraŭleńni spravami prezidenta.
Nahadajem, što pa prahnozie «NN» mienavita Ułachovič stanie pieramožcam «honki» pa 76-aj akruzie.
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii8
Kamientary