Dźvie pieršakłaśnicy, Taćciana Turandzina i Evielina Samojlenka, 1 vieraśnia stali vučanicami druhoha ŭ Mahilovie biełaruskamoŭnaha kłasa, jaki adkryŭsia ŭ SŠ № 34.
«Jany mnie vielmi spadabalisia, i ja dumaju, mnie ź imi budzie vielmi cikava i lohka pracavać. Abaviazkova navuču ich razmaŭlać na našaj rodnaj movie», — zajaviła paśla pieršaha ŭroka nastaŭnica dziaŭčynak Lidzija Cichanoŭskaja.
Padčas pieršaha ŭroka 1-ha «h» kłasa, dzie było dazvolena prysutničać žurnalistam, Cichanoŭskaja raskazała svaim vučanicam pra Biełaruś, jaje simvoliku i prezidenta. Temaj uroka staŭ zaklik «Naš zapaviet — hety śviet bierahčy».
Jak adznačyła nastaŭnica, najbolšuju dapamohu ŭ adkryćci biełaruskaha kłasa akazali dyrektar škoły Ihar Jakimienka i staršynia Mahiloŭskaj haradskoj arhanizacyi «Tavarystva biełaruskaj movy» Aleh Dziačkoŭ.
Hety kłas stvorany namahańniami ŭładaŭ i hramadskaści, zajaviŭ Dziačkoŭ, padkreśliŭšy, što łakamatyvam i ruchavikom ažyćciaŭleńnia inicyjatyvy stali šmat u čym baćki, a mienavita Halina Turandzina i Dźmitryj Sałaŭjoŭ — baćka adzinaj da ŭčarašniaha dnia mahiloŭskaj vučanicy, jakaja atrymlivaje adukacyju na biełaruskaj movie, Jalinki Sałaŭjovaj. U hetym hodzie jana pajšła ŭ siomy kłas SŠ № 1, praŭda, znoŭ biez adnakłaśnikaŭ.
«Z adnaho boku, sumna, što ŭ nas takaja situacyja, što davodzicca biełarusaŭ u Biełarusi ahitavać vučycca na biełaruskaj movie. Ale ja baču peŭnyja pazityŭnyja zruchi z boku ŭładaŭ. Kali hadoŭ 10 tamu ŭzdymali heta pytańnie, to vielmi niehatyŭna jaho ŭsprymali na ŭsich uzroŭniach, a ciapier nie pieraškadžajuć, u čymści dapamahajuć», — skazaŭ hramadski aktyvist. Jon vykazaŭ nadzieju, što ŭ Mahilovie stanie tradycyjaj adkryćcio kožny navučalny hod novaha biełaruskaha kłasa.
Ciapier čytajuć
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»6
Kamientary