Alaksandar Łukašenka i prezydent Turcyi Redžep Taip Erdahan siońnia ŭ Miensku ŭračysta adkryli Sabornuju miačeć. Uvahu na siabie źviarnuŭ žest kiraŭnika Biełarusi, jaki dla niemusulmanina nietypovy.
Prezydentu Erdahanu ad imia muftyja Biełarusi byŭ padorany Karan. Erdahan pacałavaŭ Karan, Alaksandar Łukašenka zrabiŭ toje samaje. Darečy, aficyjnaje ahienctva BiełTA zdymak pacałunku Łukašenkam Karanu nie apublikavała. Jaho možna pabačyć na sajcie tureckaha tabłoidu Posta.
Pacałunak Karanu i prykładańnie jaho da iłba ŭ roznych musulmanskich krainach usprymajecca pa-roznamu. U tataraŭ, naprykład, uvohule niama takoj tradycyi, kab śvieckija całavali Karan, heta pryvilej duchoŭnych. U śvieckich musulmanskich krainach žest Łukašenki mahli b pachvalić, bo pacałunak i prykładańnie da iłba moža śviedčyć pra pavahu da Karana. Ale tak było b pry ŭmovie, što Łukašenka źjaŭlajecca pravaviernym musulmaninam. Zusim inšaj reakcyja była b u relihijnych musulman
«Relihijnych musulman hety žest moža abrazić, pakolki Łukašenka niavierny — kafir. Jon nia maje prava tak rabić», — raspaviali Radyjo Svaboda kalehi z azerbajdžanskaj redakcyi.
Pavodle tradycyi, prykładańnie Karanu da iłba robiać nabožnyja musulmanie. Hety znak u isłamie aznačaje pryznańnie śviaščennaj knihi musulman. Bo łob dla musulmanaŭ — heta miesca, jakoje prychilajecca i kładziecca na niešta tolki dziela Ałacha. Heta znak vyjaŭleńnia svajoj pakorlivaści, addanaści i prynižeńnia pierad Ałacham. Adnak hety žest nielha ličyć pryniaćciem isłamu. Dla hetaha nieabchodna skazać musulmanski symbal viery — šachadu.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary