Našy karespandenty byli ŭražanyja kolkaściu ludziej, jakija adhuknulisia na zaklik internet-supolnaści padtrymać najstarejšuju biełaruskuju hazetu. Try sotni čałaviek sabralisia na miescy, dzie stajaŭ namiotavy haradok, i adnačasova razharnuli pryniesienyja z saboju numary «NN».
Salihorskaja akcyja sabrała kala tryccaci čałaviek.
Fota Alesia Michałka
Našy karespandenty byli ŭražanyja kolkaściu ludziej, jakija adhuknulisia na zaklik internet-supolnaści padtrymać najstarejšuju biełaruskuju hazetu. Try sotni čałaviek sabralisia na miescy, dzie stajaŭ namiotavy haradok, i adnačasova razharnuli pryniesienyja z saboju numary «NN». Vidovišča ŭražvała. Hazetaŭ na ŭsich nie chapała: nabyć «Našu Nivu» ŭ Miensku zaraz praktyčna niemahčyma. «Nu adarvicie nam choć paru staronak!» – śmiajalisia tyja, chto pryjšoŭ z pustymi rukami.
Siarod fłeš-mobaŭcaŭ vyłučalisia zaŭsiodnyja pravaachoŭniki ŭ cyvilnym. Taksama z hazetami ŭ rukach. Niekatoryja paapranali pinžaki. Maŭlaŭ, hazeta ž dla intelihiencyi, u spartovym kaściumie niejak niajomka... Potym hramada, čytajučy hazety, rušyła praspektam da płoščy Pieramohi.
Cišyniu parušali supracoŭniki siłavych struktur, jakija pa hučnaj suviazi papiaredžvali čytalnikaŭ pra adkaznaść. Na moście cieraź Śvisłač spatkali zdymačnuju hrupu BT, jakaja pracavała nad jakimści svaim siužetam. Vidavočcy kazali, što aperatar, pabačyŭšy ludziej ź niezaležnaj presaj u rukach, kinuŭsia z praspektu chavacca pad most.
Ludzi na praspekcie na fłešmob reahavali žyva. «Nu i dzie ž vaš Milinkievič?» – pytałasia kabieta, pabačyŭšy ŭ moładzi znački «Za Svabodu». «Siadzić Milinkievič!» «Jak siadzić?!» – ironija źmianiłasia ździŭleńniem i abureńniem.
Paśla skančeńnia akcyi, kali ludzi razychodzilisia z płoščy Pieramohi, specnazaŭcy ŭ cyvilnym pasprabavali schapić dvuch udzielnikaŭ. Ale na dapamohu im kinulisia inšyja i vyrvali z ruk milicyjantaŭ. Tady «cichary» źmianili taktyku. Jany zatrymali niekalki čałaviek na vulicy Kisialova i jašče piać čałaviek na vulicy Janki Kupały. Zatrymanych advieźli ŭ adździeł milicyi Centralnaha rajonu j pierapisali pašpartnyja źviestki.
Fłeš-mob salidarnaści z «NN» u Miensku. Trysta čałaviek prajšli ad Kastryčnickaj płoščy da płoščy Pieramohi.
Fota Julii Daraškievič
* * *
2 traŭnia fłešmob u padtrymku «NN» adbyŭsia ŭ Salihorsku. Try dziasiatki junakoŭ i dziaŭčat a 20-j sabralisia na centralnaj płoščy i demanstratyŭna čytali «Našu Nivu».
* * *
A 4 traŭnia fłešmoberaŭ z «Našaj Nivaj» dy inšymi niezaležnymi hazetami zatrymlivali la vystaŭnaha kompleksu «Biełekspa», dzie prachodziła aficyjnaja vystava ŚMI.
* * *
Dziakuj usim udzielnikam fłešmobaŭ. Svaimi ŭčynkami vy nadajacie nam novuju siłu, kab pracavać. Hałoŭnym srodkam baraćby Redakcyi budzie vydavańnie «Našaj Nivy». A vy taksama pišecie ŭ jaje i biarecie ŭdzieł u raspaŭsiudzie. Heta naš hałoŭny mob.
Siarhiej Mikulevič
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary