Pijarščyk pravajdara Unet.by: My hastarbajtary, nie razumiejem vašaj movy
Karystalniki biełaruskaha tvitara praz aficyjny akaŭnt spytalisia ŭ internet-pravajdara Unet.by, čamu ŭ ich da hetaha času nie zabłakavany resurs sputnikipogrom.com, zabaronieny Ministerstvam infarmacyi jak ekstremiscki. Na što ich śpiecyjalist pa SMM (pijarščyk u sacyjalnych sietkach) vykazaŭ zdahadku, što da jaho nie dajšła čarha, i prosta adžartavaŭsia: «Nieadkładna pierastańcie jaho naviedvać, heta zabaroniena!».
Na hetym usio mahło b skončycca. Adnak kali pradstaŭniku kampanii paviedamili, što ŭ suviazi ź biaździejańniem Unet.by u dačynieńni da zahadaŭ Mininfarma, na ich napišuć skarhu, śpiecyjalist pa SMM pierajšoŭ na chamstva. Prykinuŭsia, što nie razumieje biełaruskaj movy, na jakoj da jaho źviarnulisia: «Prabačcie, ale ŭ nas esememščyki — hastarbajtary, a Tvitar havoryć, što tvit na ŭkrainskaj movie».
Karystalniki źviarnuli ŭvahu, što Unet.by nie raz retviciŭ u svoj profil pasty z ruskamoŭnych prapahandysckich resursaŭ. Dla niekatorych suma hetych faktaŭ stała padstavaj źmianić svajho internet-pravajdara.
My pasprabavali atrymać aficyjny kamientaryj ad kampanii. U pryjomnaj Unet.by z ranicy nichto nie zdymaŭ słuchaŭku, u call-centry admovilisia davać numar načalstva, ale paabiacali, što z nami źviažucca. Budziem čakać ich reakcyju na padziei.
A dla vas taki humar — norma?
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim7
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary