U Dziaržaŭnuju dumu Rasii deputatami ad ŁDPR Michaiłam Dziehciarovym, Barysam Čarnyšovym i Vitalom Pašynym uniesieny zakonaprajekt, jaki praduhledžvaje pieravod letaźličeńnia ŭ Rasii na julijanski kalandar, paviedamlajuć infarmahienctvy.
U tłumačalnaj zapiscy sa spasyłkaj na navukoŭcaŭ havorycca, što hryharyjanski kalandar, jaki vykarystoŭvajecca ŭ Rasii i ŭ jeŭrapiejskich krainach, nie daskanały: jon nie ŭličvaje zapavoleńnie kručeńnia Ziamli, jakoje padaŭžaje praciahłaść dnia. Akramia taho, pry pieravodzie histaryčnych dat na sučasnaje letaźličeńnie nieabchodna dadavać peŭnuju kolkaść dzion: u XVIII stahodździ plus 11 dzion, a ŭ XX i XXI stahodździ plus 13 dzion.
«Dla Rasii julijanski kalandar važny mienavita jak nacyjanalnaja, šmatviekavaja histaryčnaja i kulturnaja tradycyja, parušanaja pryniatym u 1918 hodzie Dekretam ab hryharyjanskim kalendary, što pierarvaŭ naturalny chod historyi Rasii», — havorycca ŭ dakumiencie.
Deputaty adznačajuć, što pravasłaŭnyja cerkvy (Ruskaja, Ijerusalimskaja, Sierbskaja, Hruzinskaja) i manastyry Afona da hetaha času prytrymlivajucca julijanskaha kalendara. Jany taksama pryvodziać u jakaści prykładaŭ krainy, dzie nie vykarystoŭvajecca hryharyjanski kalandar abo vykarystoŭvajucca nie tolki jon: siarod ich Kitaj, Japonija, Iran, Afhanistan, Niepał.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary