U Kryčavie susiedzi vyratavali maci i syna padčas pažaru ŭ kvatery
Pažar byŭ zafiksavany 8 studzienia kala 4‑j ranicy na čaćviortym paviersie piacipaviarchovaha doma ŭ mikrarajonie Kamsamolski.

84‑hadovaja haspadynia i jaje 60‑hadovy syn vyžyli dziakujučy susiedu Vitalu Kisialovu. Mužčyna pačuŭ kryki ab dapamozie i biez vahańniaŭ uvarvaŭsia ŭ achoplenuju ahniom kvateru.

Spačatku Vital vyciahnuŭ žančynu, jakaja lažała niedaloka ad dźviarej, u biaśpiečnaje miesca, a paśla viarnuŭsia, kab znajści syna haspadyni, jaki spaŭ za stałom na kuchni, i taksama evakujavaŭ jaho.
Vyratavanyja byli dastaŭlenyja ŭ balnicu, miedycynski ahlad pakazaŭ, što jany nie paciarpieli.

Evakuacyja inšych žycharoŭ padjezda nie spatrebiłasia. Pryčyna pažaru vyznačajecca. Razhladajecca viersija nieaściarožnaha abychodžańnia z ahniom padčas kureńnia syna haspadyni.
Kamientary