Udava Džona Lenana Joka Ona budzie pryznanaja suaŭtaram pieśni «Imagine», jakuju jaje muž napisaŭ u 1971 hodzie.
Pra heta abviaściŭ kiraŭnik Nacyjanalnaj asacyjacyi muzyčnych vydaŭcoŭ Devid Izrajelit.
Joka Ona ŭ sieradu atrymała hanarovuju premiju asacyjacyi za «Imagine». Na cyrymonii taksama pakazali videa, datavanaje 1980 hodam, na jakim Džon Lenan kaža, što jaho žonka pavinna być pryznana suaŭtaram pieśni, bo akazała mocny ŭpłyŭ na muzykanta i natchniła na jaje stvareńnie. Jona źjaviłasia na scenie ŭ vazku, jaje vioz syn Šon Lenan. Na cyrymonii Paci Śmit razam z dačkoj Džesi vykanała «Imagine».
Pa słovach Izraelita, praces uklučeńnia Joka Ona u lik suaŭtaraŭ «Imagine» užo pačaŭsia. Jak adznačaje Variety, heta nie pryviadzie da jakich-niebudź finansavych pieramienaŭ — Ona i tak źjaŭlajecca zakonnaj pierajemnicaj Lenana i atrymlivaje adličeńni ź jaho piesień, adnak značna pavialičycca termin dziejańnia aŭtarskich pravoŭ na jaje. Zhodna z amierykanskim zakanadaŭstvam, pieśnia stanovicca hramadskim zdabytkam praz 70 hadoŭ paśla śmierci apošniaha jaje suaŭtara
«Imagine» - samaja viadomaja pieśnia Džona Lenana, napisanaja im paśla raspadu The Beatles. Jana vyjšła vosieńniu 1971 na adnajmiennym albomie muzyki.
Ciapier čytajuć
Kamientary