Paklikać pa dapamohu — sprava adnoj knopki. Biełaruskija ajcišniki stvaryli jašče adzin kruty mabilny dadatak
U žyćci my nie možam pradbačyć, kali terminova spatrebicca dapamoha. Časta ŭ krytyčny momant niama nie tolki lišniaj siekundy na vyklik słužby vyratavańnia ci zvanok blizkim, ale i mahčymaści hučna klikać pa dapamohu. Kamanda maładoha biełaruskaha IT-startapa «Multitracking SOS» ź Minska stvaryła «avaryjnuju» knopku-dadatak «#ButtonSOS» dla smartfonaŭ. U ekstranaj situacyi dadatak apavieścić ab zdareńni abranych vami ludziej sa śpisa kantaktaŭ, navakolnych karystalnikaŭ u radyusie adnaho kiłamietra, a taksama prafiesijnych ratavalnikaŭ. Sam praces padačy sihnału zajmaje ŭsiaho niekalki siekund.
Stvaralniki prajekta «#ButtonSOS», jaki staŭ niadaŭna adnym ź pieramožcaŭ konkursu «100 idej dla Biełarusi», śćviardžajuć, što ich raspracoŭka zdolnaja vyrašyć prablemu.
Pry naciskańni knopki, vyviedzienaj na ekran błakavańnia smartfona, prahrama razašle vašyja hieahrafičnyja kaardynaty i padrychtavanaje zahadzia karotkaje paviedamleńnie z prośbaj ab dapamozie ŭsim abranym kantaktam, navakolnym karystalnikam prykładańnia ŭ radyusie adnaho kiłamietra i słužbam vyratavańnia ŭ 3 etapy. Praces pačniecca ź piacisiekundnaj vibracyi telefona. Kali knopka była nacisnutaja vypadkova, u vas budzie čas admianić adpraŭku sihnału. Na nulavoj siekundzie zapyt budzie razasłany pa śpisie davieranych kantaktaŭ. Praz 4 siekundy vašy kaardynaty i karotkaje paviedamleńnie, što padrychtavana zahadzia, buduć dasłanyja ŭsim karystalnikam dadatku, jakija znachodziacca ŭ radyusie 1 kiłamietra. Jašče praz 3 siekundy aŭtamatyčna zapuścicca zvanok u ekstranuju słužbu.
«My sychodzili z taho, što knopkaj SOS treba skarystacca chutka, jana pavinna być zručnaj. Tamu my praanalizavali karystalnicki vopyt i dadali knopku prama na ekran błakavańnia mabilnaha telefona», — tłumačyć aŭtar prajektu Siarhiej Kosik.
«#ButtonSOS» moža stać dapamožnikam i dla ludziej z abmiežavanymi mahčymaściami. U tym vypadku, kali nieabchodna dapamahčy vazočniku ź pierasoŭvańniem u barjernym asiarodździ abo nieadkładna akazać miedycynskuju dapamohu, adno naciskańnie knopki — i blizkija ci zvyčajny minak užo śpiašajucca da jaho.
U płanach raspracoŭščykaŭ — uviadzieńnie novaje funkcyi: mahčymaści adpraŭki paviedamleńnia ab dapamozie nie tolki karystalnikam «#ButtonSOS», ale i tym, u kaho «tryvožnaja knopka» jašče nie ŭstalavana.
Spampavać dadatak dla Android možna tut.
Taksama ŭstalujcie dadatak Našaje Nivy, kab być zaŭsiody ŭ centry padziej.
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»5
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary