Mižnarodnaja hrupa navukoŭcaŭ pradstaviła vyniki svaich dvuchhadovych daśledavańniaŭ, metaj jakich źjaŭlałasia stvareńnie preparata, zdolnaha pry štomiesiačnych injekcyjach u arhanizm chvoraha na VIČ zamianić jamu štodzionny pryjom tabletak, jakija zaraz źjaŭlajucca adzinym sposabam padtrymki žyćcia VIČ-infikcyjanavanych.
Atrymany rastvor dla injekcyj ŭklučaje ŭ siabie preparaty kabatehravir i ryłpiviryn. Pa vynikach kliničnych daśledavańniaŭ, u 87% z 309 pacyjentaŭ z dyjahnastavanym VIČ z dapamohaj štomiesiačnych injekcyj ŭdałosia dasiahnuć nievyznačajemaha ŭzroŭniu virusnaj nahruzki (mienš za 50 kopij virusa na mililitr kryvi). Inšymi słovami, u navukoŭcaŭ atrymałasia pazbavić ludziej ad nieabchodnaści štodnia prymać tabletki, pry hetym źniziŭšy ryzyku pieradačy virusa inšym ludziam, a taksama imaviernaść taho, što ŭ virusa vypracujecca ŭstojlivaść da preparataŭ. Vyniki daśledavańniaŭ možna pračytać u časopisie The Lancet.
U hrupy paddoślednych, jakija prymali tradycyjnyja tabletki, nievyznačajemaha ŭzroŭniu virusa atrymałasia dasiahnuć tolki ŭ 84% pacyjentaŭ. Pośpiech kliničnych vyprabavańniaŭ, napeŭna, uzraduje ludziej, jakija vymušanyja zmahacca ź virusam imunadeficytu čałavieka, bo admova ad štodzionnaha pryjomu tabletak značna palehčyć ich žyćcio.
Kamientary