Ukrainka stvaryła ŭ Minsku servis ź biełaruskamoŭnymi nianiami na hadzinu
Servis pa padbory nianiečak «Jak mama» staŭ pracavać u Minsku ŭ pačatku 2017 hoda. Jaho stvaralniki — siamja Šamko — sutyknulisia ź niedachopam śpiecyjalistaŭ u hetaj śfiery i zapuścili ŭłasny biznes.
Kanstancin i Hanna hadujuć dvaich dziaciej — Lva i Alesiu. Jon — biełarus, a jana — ukrainka. Paznajomilisia maładziony ŭ Polščy, a 8 hadoŭ tamu Hanna pierajechała ŭ Biełaruś. Siońnia jana cudoŭna razmaŭlaje pa-biełarusku.
«Mnie vielmi padabajecca biełaruskaja mova, ja starajusia zaŭsiody ŭžyvać jaje ŭ hutarcy ź siabrami dy ź biełaruskamoŭnymi klijentami, jakich, apošnim časam, stanovicca ŭsio bolš», — adznačaje dziaŭčyna.
Pakolki popyt na biełaruskamoŭnych nianiečak pavialičvajecca, viedańnie movy pry pošuku śpiecyjalistaŭ Hanna vystaŭlaje jak adno z hałoŭnych patrabavańniaŭ. Tamu siońnia 90% kamandy «Jak mama» u stanie pracavać nie tolki ŭ ruskamoŭnych, ale i ŭ biełaruskamoŭnych siemjach.
Akramia taho, nianiečki pracujuć ź dzietkami z abmiežavanymi mahčymaściami: servis maje prafiesijanalnaha ćjutara, što supravadžaje małyšoŭ z aŭtyzmam, i svajho psichołaha.
Pakul što biznes nie prynosić maładym pradprymalnikam značnych prybytkaŭ, tamu paralelna jany pracujuć na asnoŭnych miescach: Hanna zajmajecca pierakładami, a Kanstancin — prahramavańniem. Ale jany vierać, što heta tolki pačatak: u praktycy ŭžo zdaralisia momanty, kali nianiečak na ŭsich achvotnych nie chapała, tamu štat śpiecyjalistaŭ bližejšym časam budzie pašyracca.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie7
Kamientary