Jak pastavić biełaruskuju kłavijaturu na ajfon i ajpad
U publičny dostup vyjšła novaja apieracyjnaja sistema dla mabilnych pryładaŭ kampanii Apple — iOS 11. Hałoŭnaja jaje asablivaść dla biełarusaŭ — źjaŭleńnie biełaruskaj raskładki kłavijatury, jakuju my čakali ad momantu źjaŭleńnia pieršaha ajfona ŭ 2007.
Kali karystalniki Android užo daŭno mahli pisać na rodnaj movie z vykarystańniem rodnaha ałfavitu, to prychilniki techniki Apple musili šukać alternatyŭnyja šlachi. I voś, nadyšoŭ čas vypravić hetuju niespraviadlivaść.
Na iPhone
1. U naładach zajdzicie ŭ raździeł «Asnoŭnyja» (General)
2. Vybierycie punkt «Kłavijatura» (Keyboards).
3. Vybierycie punkt «Kłavijatury» (Keyboards).
4. Naciśnicie «Novyja kłavijatury» (Add new keybord).
5. Chutčej za ŭsio (kali vybrany rehijon Biełaruś) biełaruskaja mova budzie ŭ samym viersie śpisa. Kali ž nie, prosta hartajcie ŭniz i šukajcie jaje: movy pradstaŭlenyja ŭ ałfavitnym paradku.
6. Ciapier na vašym ajfonie jość biełaruskaja raskładka. Nacisnuŭšy knopku «Źmianić» (Edit) u vierchnim pravym kucie ekrana, možna pastavić jaje, naprykład, na pieršaje miesca ŭ śpisie.
Na iPad
1. U naładach zajdzicie ŭ raździeł «Asnoŭnyja» (General) i vybierycie punkt «Kłavijatura» (Keyboards).
2. Naciśnicie «Novyja kłavijatury» (Add new keybord).
3. Chutčej za ŭsio (kali vybrany rehijon Biełaruś) biełaruskaja mova budzie ŭ samym viersie śpisa. Kali ž nie, prosta hartajcie ŭniz i šukajcie jaje: movy pradstaŭlenyja ŭ ałfavitnym paradku.
4. Ciapier na vašym ajpadzie jość biełaruskaja raskładka. Nacisnuŭšy knopku «Źmianić» (Edit) u vierchnim pravym kucie ekrana, možna pastavić jaje, naprykład, na pieršaje miesca ŭ śpisie.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie26
Kamientary