Jak nie treba pisać reziume — niekalki nazirańniaŭ nad zajaŭkami, dasłanymi ŭ «Našu Nivu»
Apošnija miesiacy «Naša Niva» šukała roznych rabotnikaŭ — markietołaha, mieniedžaraŭ pa prodažach, videažurnalista, a ciapier i redaktara raździeła «Historyja». Nam napisali bolš za sotniu kandydataŭ.
Jość šmat hodnych kandydataŭ, ale chapaješsia za hałavu, kali bačyš bolš za pałovu atrymanych reziume.
«Dobroho vriemieni sutok. Mienia intieriesujet rabota u vas. Imieju množiestvo intieriesov. Poka čto rabotaju na zapravkie, no niedavno poniał, čto žurnalistika — eto moje prizvanije. Hotov pristupiť k rabotie so śledujuŝieho poniedielnika. S uvažienijem, Aleksandr». Padobnych zvarotaŭ było šmat.
Na žal, u biełaruskich škołach nie prachodziać kurs dziełavoha etykietu. Ale internet maje šmat karysnych paradaŭ dla tych, chto źbirajecca ŭładkavacca na pracu. Čamu b papiarednie nie pačytać choć niekatoryja ź ich?
Moža, kłasičnaje reziume-ankieta ŭ prykładzienym fajle ŭžo i nie ŭ modzie, ale pasprabujcie dać bolš karysnaj infarmacyi pra siabie. Vy možacie ŭjavić, što niekatoryja navat nie ličać patrebnym ukazać svoj uzrost, a pra imia my možam mierkavać tolki z adrasu elektronnaj pošty. Časam heta [email protected].
Jość, praŭda, i inšyja krajnaści, kali reziume raściahvajecca na 10 staronak i tłumačyć, u jakim uzroście čałaviek upieršyniu ŭ žyćci adkryŭ Microsoft Word. Navat kali nie šanujecie čas redaktara, jaki abaviazany pračytać heta, paškadujcie chacia b svaje siły.
Ničoha nie kaža pra čałavieka lepš, čym jaho profili ŭ sacyjalnych sietkach. Spraścicie zadaču redaktaru, pakińcie adrazu spasyłki na ich. Bo ŭsio adno jon palezie šukać vas Ukantakcie i ŭ fejsbuku, kab skłaści ŭražańnie pra vašyja intaresy i ład žyćcia.
Zvyčajna na kožnuju vakansiju prychodzić niekalki dziasiatkaŭ reziume. Zadača pretendenta — pierakanać, što jon budzie najlepšym varyjantam, tym samym adzinym i niepaŭtornym.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku15
Kamientary