Na Kastryčnickaj płoščy prajšła akcyja salidarnaści «My pamiatajem». Jana tryvała niekalki chvilin, potym specnaz vyciaśniŭ usich ź placu. Adbyłasia bojka. Pavalili i ŭdaryli žančynu sa ściaham, dastałosia na arechi Franaku Viačorku i Anatolu Labiedźku.
17:57 Na Kastryčnickaj płoščy sabrałasia kala 40-50 čałaviek. Pryjšli amal usie lidery palityčnych partyj.
U akcyi biaruć udzieł Anatol Labiedźka, Alaksandar Buchvostaŭ, Vincuk Viačorka, Lavon Barščeŭski, Ihar Rynkievič, Zinaida Hančar, Siarhiej Kalakin, Michaił Paškievič, Volha Kazulina (jejny baćka zaraz u Bruseli, tamu nia zmoh pryjści na akcyju) dy inšyja.
Namieśnik staršyni partyi BNF Viktar Ivaškievič pa tradycyi trymaje ŭ rukach dva ściahi.
Udzielniki akcyi trymajuć u rukach partrety źnikłych palitykaŭ i hramadzkich dziejačaŭ (Hančara, Zacharanki, Krasoŭskaha, Zavadzkaha). Akurat dzieviać hadoŭ tamu, 16 vieraśnia 1999 h., u Miensku źnikli biaź viestak Viktar Hančar i Anatol Krasoŭski.
Na płošču pryjšła žonka Viktara Hančara, sp. Zinaida. Nahadajem, što tydzień tamu pamierła 87-hadovaja maci biznesoŭca Anatola Krasoŭskaha.
18:02
Ludzi šychtujucca zaraz u šerah la prajeznaj častki.
18:05
AMAPaŭcy abkružyli častku ŭdzielnikaŭ akcyi i pačali žorstka dušyć Labiedźku, Viačorku, Voŭčaka, Barščeŭskaha, Rynkieviča, Volhu Kazulinu.Tyja supraciŭlajucca.
Ich vyšturchoŭvajuć za Pałac respubliki.
Naahuł specnazaŭcaŭ razy ŭ dva-try bolš, čym udzielnikaŭ akcyi. Jany matyvujuć svaje dziejańni tym, što nibyta ŭdzielniki akcyi pamiaci adciahvajuć uvahu hramadzkaha transpartu, što jedzie praspektam.
Zdajecca, amapaŭcy vyšturchnuŭšy zavadataraŭ akcyi, supakoilisia i adpuścili tych.
18:16 Kala dvaccaci čałaviek, atočanyja AMAPam, pačynajuć ruch u bok vulicy Niamiha.
Siarod udzielnikaŭ akcyi taksama Andrej Kim, Franak Viačorka.
Viktar Ivaškievič kaža: «Nia bojciesia, čapać nia buduć. Tak projduć i vybary. Usio taksama budzie ačeplena specnazam, vonkava - strach, a ŭnutry - spakojna i biaśpiečna».
18:24 Za Pałacam respubliki mirna stajać dva aŭtazaki, staranna robiačy vyhlad, što jany pryvieźli turystaŭ u Pałac.
Udzielnikaŭ akcyi praviali mima aŭtazakaŭ i ciapier supravadžajuć vulicaj Internacyjanalnaj u bok Kupały-stryt.
18:40 Na rahu Kupały i Internacyjalnaj adbyłasia bojka pamiž udzielnikami akcyi i specnazam. Źbili Anatola Labiedźku, pavalili na ziamlu i addubasili Franka Viačorku, pavalili i ŭdaryli žančynu sa ściaham.
18:42 AMAP praciahvaje pravodzić ekskursiju pa horadzie. Ciapier udzielnikaŭ akcyi daviali da budynku Biełekspa, što na Kupały.
Akcyja skončyłasia la doma na vulicy Staražoŭskaj, la domu, dzie žyvie siamja Kazulinych. Mienavita tudy pryviała milicyja ŭdzielnikaŭ mierapryjemstva.
Zatrymanych niama.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary