Poŭnamaštabnaja vajna Rasii suprać Ukrainy ź lutaha 2022 hoda paciahnuła za saboj značnyja straty siarod vysokaha kamandnaha składu rasijskaha vojska. Pavodle adkrytych krynic i paviedamleńniaŭ rasijskich i ŭkrainskich ŚMI, zahinuła jak minimum 19 hienierałaŭ, choć nie ŭsie śmierci byli aficyjna paćvierdžanyja Maskvoj, piša The Insider.
Straty Rasijaj hienierałaŭ adbyvalisia jak na froncie, tak i ŭ tyle — u vyniku artyleryjskich udaraŭ pa štabach, avijaincydentaŭ, dyviersij i vybuchaŭ u Rasii. Niekalki vysokapastaŭlenych aficeraŭ byli zabity snajpierami ŭ pieršyja miesiacy vajny.
Taksama siarod zahinułych jość aficery, jakija ŭžo znachodzilisia ŭ adstaŭcy, ale ŭdzielničali ŭ bajavych dziejańniach, uklučajučy PVK «Vahnier» i šturmavyja farmavańni «Štorm Z».
Pieralik zahinułych hienierałaŭ:
1) Andrej Suchaviecki, hienierał-major, namieśnik kamandujučaha 41‑j ahulnavajskovaj armijaj. Zahinuŭ 28 lutaha 2022 hoda ŭ Čarnihaŭskaj vobłaści — z peŭnych źviestak, byŭ zastreleny snajpieram. Jon staŭ pieršym hienierałam, śmierć jakoha aficyjna paćvierdzili ŭ RF.
2) Aleh Miciajeŭ, hienierał-major, kamandavaŭ 150‑j motastrałkovaj dyvizijaj, zahinuŭ u 2022‑m padčas bajoŭ za Maryupal. Ukrainski bataljon «Azoŭ» zajaviŭ pra jaho likvidacyju; častkova infarmacyja paćviardžałasia rasijskimi krynicami.
3) Uładzimir Frałoŭ, hienierał-major, namieśnik kamandujučaha 8‑j ahulnavajskovaj armijaj, zahinuŭ 10 sakavika 2022 hoda ŭ Maryupali ad snajpierskaha ahniu.
4) Andrej Simanaŭ, hienierał-major, kamandavaŭ vojskami radyjoelektronnaj baraćby Zachodniaj vajskovaj akruhi, zahinuŭ 30 krasavika 2022 hoda paśla artyleryjskaha ŭdaru pa kamandnym punkcie ŭ rajonie Iziuma Charkaŭskaj vobłaści.
5) Kanamat Batašaŭ, hienierał-major u adstaŭcy, udzielničaŭ u bajavych dziejańniach u PVK «Vahnier», zahinuŭ 22 maja 2022 hoda padčas katastrofy jaho samalota Su-25.
6) Raman Kutuzaŭ, hienierał-lejtenant, načalnik štaba 8‑j armii, zahinuŭ 5 červienia 2022 hoda ŭ rajonie Papasnaj.
7) Dźmitryj Uljanaŭ, hienierał-major u adstaŭcy, zahinuŭ 6 lutaha 2023 hoda, kamandavaŭ pałkom z mabilizavanych u Tatarstanie.
8) Siarhiej Haračaŭ, hienierał-major, načalnik štaba 35‑j armii, zahinuŭ 12 červienia 2023 hoda ŭ Prymorsku Zaparožskaj vobłaści paśla ŭdaru pa štabie padčas kantrnastupu Ukrainy.
9) Aleh Cokaŭ, hienierał-lejtenant, namieśnik kamandzira Paŭdniovaj vajskovaj akruhaj, zahinuŭ 11 lipienia 2023 hoda padčas udaru pa zapasnym kamandnym punkcie ŭ Biardziansku.
10) Uładzimir Zavadski, hienierał-major, namieśnik kamandzira 14‑m korpusam, zahinuŭ 28 listapada 2023 hoda ŭ Chiersonskaj vobłaści, mahčyma padarvaŭsia na minie abo trapiŭ pad abstreł.
11) Ihar Tryfanaŭ, hienierał-major palicyi, zahinuŭ 12 śniežnia 2023 hoda.
12) Andrej Hałavacki, hienierał-major u adstaŭcy, zahinuŭ 30 červienia 2024 hoda.
13) Ildar Saidaŭ, hienierał-major mytnaj słužby, paśla mabilizacyi ŭ šturmavym padraździaleńni «Štorm Z», zahinuŭ 14 vieraśnia 2024 hoda.
14) Pavieł Klimienka, hienierał-major, kamandavaŭ 5‑j hvardziejskaj bryhadaj, zahinuŭ 6 listapada 2024 hoda.
15) Ihar Kiryłaŭ, hienierał-lejtenant, načalnik vojsk radyjacyjajnaj, chimičnaj i bijałahičnaj abarony, zahinuŭ 17 śniežnia 2024 hoda padčas vybuchu ŭ Maskvie.
16) Kanstancin Śmiaško, hienierał-major, zahinuŭ 26 śniežnia 2024 hoda; abstaviny śmierci aficyjna nie raskryvalisia, mahli być avijaŭdar abo ŭdar HIMARS.
17) Jarasłaŭ Maskalik, hienierał-lejtenant, namieśnik načalnika Hałoŭnaha apieratyŭnaha ŭpraŭleńnia Hienštaba, zahinuŭ 25 krasavika 2025 hoda ŭ vyniku vybuchu na terytoryi Rasii.
18) Michaił Hudkoŭ, hvardziejski hienierał-major, namieśnik hałoŭnakamandujučaha VMF, zahinuŭ 2 lipienia 2025 hoda padčas rakietnaha ŭdaru (rasijskija krynicy paviedamlali pra śmierć «pry vykanańni bajavoj zadačy»).
19) Fanił Sarvaraŭ, hienierał-lejtenant, načalnik upraŭleńnia apieratyŭnaj padrychtoŭki Hienštaba, zahinuŭ 22 śniežnia 2025 hoda pry vybuchu zaminavanaha aŭtamabila ŭ Maskvie.
Kamandzir 136‑j rasijskaj motastrałkovaj bryhady zahinuŭ u DTZ u Łuhanskaj vobłaści
Chto zahinuŭ u Charłach na akupavanaj Chiersonščynie?
Pry ŭdary pa Chorłach zahinuŭ načalnik akupacyjnaj palicyi susiedniaha horada
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
Krynicy The New York Times: Amierykanskija raźvieddanyja dapamahli ŭkraincam zabić šmat rasijskich hienierałaŭ
Stała viadoma pra 45 rasijskich hienierałaŭ, jakija lačylisia ŭ špitalach z pačatku vajny, u tym liku ŭ Biełarusi
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary